1 Kurintu 16:6 - Manobo Western Bukidnon

⁶ Ne malù a egkeug̵et ke ziyan e en te keniyu. Kenà a vuwa ed-awà diyan taman te kenè pa egketapus is tipenguzan. Ne zutun te kedlaus ku, meupiya ke edtevangan a keniyu zutun te kedhipanew ku ke hendei a ebpevayà.

1 Kurintu 16:6 Кръстосани препратки

Nengeulaula 15:3

Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 17:15

Sikan is menge maama he midhated ki Pablo, miduma zan kandin taman diyà te inged he Etinas. Ne zutun mid-ulì dan diyà te Biriya ne mibpenudtul zan ki Silas wey ki Timoteo he ibpeg̵aanggaan dan ibpetelukun ni Pablo.

Nengeulaula 20:38

Utew zan ingkeseeng is lalag din he kenè dan en maan sikandin egkeahà. Ne zutun midumahan dan diyà te barku.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Nengeulaula 27:12

Ne is dungguan dutun, kenà meupiya he edsevukan te barku emun tipenguzan. Umba, iyan egkesuatan te kezekelan te menge zuma zey is edlaus key en wey key mekeuma ziyà te Pinisi ke egkehimu. Su is Pinisi, dungguan diyà te pulu he Krita he neelangan is keramag ne zutun is meupiya he edsevukan te barku taman te egketapus haazà is tipenguzan.

Nengeulaula 28:11

Hein tetelu en he vulan is ked-ubpè dey zutun ne midlaus key. Mid-untud key te barku he zutun mekeubpà tenged te tipenguzan. Tig-Elihendriya haazà is barku ne iyan igketuusi ta zutun su ziyà te zulung din is ledawan te sereping he ziwata.

Ruma 15:24

egkeisip ku he g̵untaan human e en ebpekehendiyan te keniyu. Egkesuatan ku he mekehendiyà a te Ispanya, iyan, edtuluy a ziyan te keniyu. Ne emun egkeipus haazà is mevavà he kebpekiduma ku keniyu he igkelangan ku, ne egketevangan a keniyu zutun te kedhipanew ku.

1 Kurintu 16:11

Kinahanglan he edtehuzen niw sikandin, ne emun edlaus te hipenawan din ne tevangi niw sikandin, ne ipeehè niw is gag̵ew niw kandin su wey mekelikù sikandin dini te kedì, su ebpeebuten ku sikandin wey is menge zuma zin he menge suled tew te kedtuu.

2 Kurintu 1:16

su iyan pezem dini te isip ku is: edtuluy a ziyan ke edhendiyà a te Mesidunya ne emun ed-ulì a ne edtuluy e zed maan diyan te keniyu su wey a zaan metevangi keniyu zutun te kedhendiyè ku te prubinsya he Hudiya.

Tito 3:12

Emun ebpeveyaan ku sikew ki Ertimas ne emun kenà, si Tikiku, gaanggaan ka telavuk kediey ziyà te Nikupulis su ziyà a ed-ubpà ke egkeuma is tipenguzan.