1 Kurintu 15:7 - Manobo Western Bukidnon

⁷ Ne netapus heini is kebpaahaa kandan, mibpaahà sikandin ki Santiago ne zutun mibpaahà med-uman te langun he menge epustul.

1 Kurintu 15:7 Кръстосани препратки

Lucas 24:33

Ne zutun ne midhitindeg dan ne migaanggaan dan medlikù diyà te Hiruselim. Ne hein nekeuma zan ne neumahan dan sikan is sepulù wey sevaha he menge epustul ni Jesus wey is menge zuma he sumusundan he nengetig̵um diyà te sengevaley.

Lucas 24:36

Ne zutun te kemulu zan pa ebpetudtudtulà kayi ne netekewtekew mebpeg̵awag̵awa si Jesus diyà te teliwazè dan. Ne migkag̵i sikandin te, “Kenè kew mengeseeng.”

Lucas 24:50

Ne te nekepasad si Jesus dutun is egkag̵i ne mid-uwit din sikandan diyà te g̵awas te inged he Hiruselim, ne hein diyè dan en te uvey te inged he egngezanan te Bitanya, ne imbayew zin is menge velad din su ebpenubtuvazan din sikandan.

Nengeulaula 12:17

Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.