1 Kurintu 15:56 - Manobo Western Bukidnon

⁵⁶ Umba egkehandek is menge etew te kemetayen su netuenan dan he emun ebpatey zan edsilutan sikandan tenged te mekesesalà sikandan. Ne maan is mekesesalà sikandan? Su g̵eina te nekesupak dan te kesug̵uan te Megbevayà.

1 Kurintu 15:56 Кръстосани препратки

Juan 8:21

Ne mid-uman megkag̵i si Jesus diyà te menge egalen te menge Hudiyu, ke sikandin te, “Ed-ewaan ku sikiyu ne ebpen-ahaan a keniyu, iyan, ebpematey kew zà duen he kenà egkepeseylu is menge salè niw. Ne ke hendei a ebpekepevayà kenè kew ebpeketelukun.”

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Ruma 4:15

Ne kenè kiw egkezeyzey pinaag̵i te kesug̵uan, su is kesug̵uan, ne iyan mulà igkepeuki kenitew te Megbevayà su kenè tew egketuman. Angin ke wazà kesug̵uan su kenà egkehimu he zuen egkesupak ta.

Ruma 5:15

Iyan, kenè dan is dezuwa ebpeked-iring su is kedsupak dutun te sevaha, ne kenà iring te kebmetazeng he edhimuwen te Megbevayà. Sevaha zà he etew si Adan, iyan, tenged dutun te kedsupak din ebpematey is tivuuk he menusiyà. Ne minsan pa zutun, lavew pa he zekelà is nehimu pinaag̵i te g̵ag̵ew te Megbevayà su pinaag̵i te g̵ag̵ew te sevaha zà daan he etew he iyan si Jesu Kristu, imbeg̵ey te Megbevayà is ketazeng ne midhimu zin he metazeng is utew mezakel he menge etew.

Ruma 5:17

Ne emun tenged te kedsupak dutun te sevaha zà he etew he si Adan, ebpematey is tivuuk he menusiyà, wey pe be kenà lavew pa he mekeinuinu is nehimu te sevaha zà daan he etew he si Jesu Kristu. Su is minsan hentei he edawat te zekelà he g̵ag̵ew kandin te Megbevayà pinaag̵i ki Jesu Kristu, ne ed-isipen sikandin he metazeng, ne ebeg̵ayan sikandin te untung he wazè din pidtemanan ne ebpekehadì sikandin duma te Megbevayà.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

Ruma 6:23

Ke zuen etew he ebpevayàbayà te suat te mekesesalà he lawa zin ne zuen silut kandin he iyan is kemetayen he wazè din pidtemanan. Iyan, is etew mulà he edtuuwan din si Jesu Kristu he Nengazen tew, duen ibeg̵ey kandin te Megbevayà he iyan is untung he wazè din pidtemanan.

Hibriyuhanen 9:27

Imbanglis te Megbevayà diyà te menusiyà is kebpatey te kesevaha, ne egkeipus dutun te kebpatey zin ne edsusiyen te Megbevayà is menge ulaula zin.