1 Kurintu 15:46 - Manobo Western Bukidnon

⁴⁶ Kenà iyan edhuna is untung he wazà pidtemanan diyà te langit, kekenà, iyan edhuna is untung ta zini te kelibutan ne human egkehimu is untung diyà te langit.

1 Kurintu 15:46 Кръстосани препратки

Ruma 6:6

Su netuenan tew he is daan he mesinupaken he kegkeetew tew, ne iring te inransang duma ki Kristu ziyà te krus su wey mebpatey. Ne tenged kayi, egkeawà is layun tew kebpekesalà ne human dutun kenè kiw en egkeuripen te ked-ulaula te mezaat.

1 Kurintu 15:45

Su zuen insurat he Lalag te Megbevayà he edhenduen te, “Haazà is nehuna he etew he si Adan, ne mibeg̵ayan te Megbevayà is lawa zin te g̵ehinawa su wey mekeubpà dini te tanà.” Iyan, si Kristu mulà, haazà is migeraran te huziyan he Adan, iyan sikandin ebeg̵ey te untung he wazà pidtemanan su wey kiw mekeubpà diyà te langit.

1 Kurintu 15:47

Ne haazà is nehuna he etew he si Adan, linimbag sikandin ne is limbag̵an din ne iyan is tanà, iyan, haazà is etew he ed-ilis kandin he iyan si Kristu, ne ebpuun sikandin mulà diyà te langit.

1 Kurintu 2:14

Ne is etew he wazà diyà te kandin is Wag̵as he Mulin-ulin, kenè din edewaten is ibpenurù te Wag̵as he Mulin-ulin su wazà pulus kayi ziyà te kandin, ne kenè din daan egkesavut su iyan dà ebpekeseysey kayi ziyà te kandin is Wag̵as he Mulin-ulin.