1 Kurintu 15:43 - Manobo Western Bukidnon

⁴³ Ne haazà is lawa tew, dutun te kedlevenga kayi, ne kenà meupiya he ed-ahaan ne wazè din en pulus, iyan, ke egkevanhew ne utew mekempet ne utew mezesen.

1 Kurintu 15:43 Кръстосани препратки

Mateo 13:43

Ne zutun, is menge metazeng mulà, iring te andew is anlag dan diyà te g̵inhedian te Amey zan he Megbevayà. Sevuta niw heini is nezineg niw.

Juan 8:49

Ne midtavak daan si Jesus te, “Wazà a suuki. Emun ebentug̵en ku is Amey ku he Megbevayà, maan is edsulaan a keniyu?

1 Kurintu 6:14

Su si Jesus, is Nengazen tew, ne mibanhew sikandin te Megbevayà ne ebenhawen kiw zaan keuzemà te Megbevayà pinaag̵i te zekelà he g̵ehem din.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

2 Kurintu 13:4

Su minsan ke henduen be te wazà egkehimu ni Kristu zutun te kedrensanga kandin diyà te krus, nevanhew zed sikandin ne zuen din en beg̵u en he untung pinaag̵i te g̵ehem te Megbevayà. Ne sikami zaan, henduen be te wazè dey egkehimu su layun key zaan ebpekeantus te kemeresayan, iyan, pinaag̵i te g̵ehem te Megbevayà he edtavang kenami, duen dey zaan beg̵u en he untung ne ebpeketavang key pa keniyu.

Pilipus 3:10

Iyan dà guntaan ibmeupiya te g̵ehinawa ku is kegketueni ku te menge ulaula ni Kristu wey is kebulusi kedì te g̵ehem he iyan sikan is gehem he ingkevanhew zin. Egkesuatan ku he mekeambit a zaan duen te kemeresayan he mid-antus din he iyan is ked-engkezi ku te kediey he egkesuatan iring te kandin he kebelevag̵a te untung din.

Kulusas 3:4

Umba, menge suled, emun edlikù dini si Kristu he iyan puunà te veg̵u he untung ta, ibpeg̵awag̵awa is kekempet din ne ibpeg̵awag̵awa zaan dutun is kekempet te kenita he veg̵u he untung su zutun duma ki kandin.