1 Kurintu 15:38 - Manobo Western Bukidnon

³⁸ Ne zaan he midhimu te Megbevayà ke hengkey is lawa he egkehimu te kada kelasi te venì he ibpemula. Is kada venì, ne zuen kandin he lawa he egkehimu ke edtuvù en.

1 Kurintu 15:38 Кръстосани препратки

1 Kurintu 15:37

Ne haazà is ibpemula ta, ne venì dà duen. Egkehimu he parey is ibpemula ta, ne emun kenà, ne zuma pa he ibpemula. Iyan, haazà is benì he impemula, ne kenè en iyan sikan is lawa zin dutun te kedtuvù din.

1 Kurintu 15:39

Ne iring din ded daan is lawa te minsan hengkey he linimbag he zuen din gehinawa su kenà ebpeked-iiring. Emun etew ne sengekelasi is lawa zin, emun langgam ne sengekelasi zaan, ne iring din ded daan is tagbis wey pait su selakew zaan.

1 Kurintu 3:7

Ne tenged kayi, haazà is ebpemula wey haazà is ebinyag, kenà iyan sikandan edelig̵en, kekenà, iyan edelig̵en is Megbevayà su ibpetuvù din haazà is impemula.