1 Kurintu 15:34 - Manobo Western Bukidnon

³⁴ Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

1 Kurintu 15:34 Кръстосани препратки

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Juan 8:11

Ne midtavak sikan is bahi te, “Wazè en, su migenat dan en.” Ne migkag̵i si Jesus te, “Siak, kenà a zaan edhukum kenikew te kemetayen. Ulì ke en ne kenè kad maan mebaal te mezaat.”

Nengeulaula 26:8

Sikiyu is menge zuma ku he Hudiyu, maan is kenè kew ebpeketuu he ebenhawen keuzemà te Megbevayà is menge minatey?

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

Ruma 13:11

Kinahanglan he iyan heini ed-ul-ulahan ta su netuenan ta ke hengkey is hustu he ed-ul-ulahan kayi te timpu. Su puun guntaan, is timpu keuzemà he zutun edhimesazen te Megbevayà is kedlibriya zin kenitew, uvey en kenà dutun te timpu zengan he neketuu kiw. Ne tenged kayi kinahanglan he kenè kiw iring te etew he nekelipezeng, kekenà, iring te etew he ed-andam.

1 Kurintu 4:14

Menge suled, kenà iyan igkeg̵iya ku kayi su wey kew meeled, kekenà, su wey ku sikiyu mepenurù su nehimu kew en he menge minahal he anak ku pinaag̵i te kedtuu niw ki Kristu.

1 Kurintu 6:5

Umba egkeg̵iyen ku heini su wey kew meeled. Siguradu zuen sevaha keniyu he egkehimu he zatù he metau he edhusey te menge tumutuu.

1 Kurintu 8:7

Iyan, duen menge zuma tew he tumutuu he wazà mesayud he wazà gehem te tarù he Megbevayà diyà te kandan. Ne utew mereg̵en kandan is ked-ewai zan te imbilinbilin kandan he tuluuwen mehitenged te tarù he megbevayà. Ne emun egkaan dan te egkeenen he impemuhat, iyan egketag̵ù te isip dan he neketampu zan dutun te ked-ezapa te tarù he megbevayà. Ne tenged kayi ebpekezezaat te g̵ehinawa zan su kunaan dan ke nekesalè dan su nekekaan dan te usa he impemuhat diyà te tarù he megbevayà.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

1 Tiselunika 4:5

ne kenà tenged te egkeveyveyaan sikandin te suat te lawa zin, su iyan heeyan egkeulaula te menge etew he wazà medtuu te Megbevayà.