1 Kurintu 15:30 - Manobo Western Bukidnon

³⁰ Ne sikami zaan, hengkey is pulus din dini te kenami ke kenè kiw egkengevanhew keuzemà? Su maan is ed-entusen dey pa is utew piligru.

1 Kurintu 15:30 Кръстосани препратки

Lucas 8:23

Ne zutun te ked-aavang dan ne nekelipezeng si Jesus. Ne nesug̵at haazà is ranew te mevendes he keramag ne egketeg̵uan en te wahig haazà is avang dan ne amaama zan kenà melavu.

1 Kurintu 15:29

Ne heini pa zaan su emun kenà egkengevanhew is menge minatey, hengkey is pulus dutun te ulaula te menge etew he ebpebewtismu he elili te menge zuma zan he minatey en? Maan is ebpebewtismu zan ke kenà ebenhawen te Megbevayà is menge minatey?

1 Kurintu 15:31

Su andew-andew, menge suled, egkeisip ku he kela ke edhimetayan a te menge kuntada te Megbevayà. Utew tutuu heini, menge suled; tutuu zaan he utew ku sikiyu igkelipey tenged te kedtuu niw te Nengazen tew he si Jesu Kristu.

2 Kurintu 6:9

Duen egkag̵i he utew minus is pid-etawan dey, iyan, nasì dekelà is bentug̵an dey. Layun key ed-ed-edisi te kemetayen, iyan, idtug̵ut pa te Megbevayà he kenè key pa mebpatey. Edsilutan key te Megbevayà wey key mepenurù, iyan, kenè key zin edhimetayan.

Gelasya 5:11

Menge suled, duen egkag̵i he wazè ku pa engkezi is penurù he kinahanglan he ebpesirkunsidar ki, iyan, emun tutuu heini, maan is kenà a ed-engkezan te ebpesipala te menge zuma ku he Hudiyu? Su emun ibpenurù ku he kinahanglan is kebpesirkunsidar, ne kenè dan egkepauk kediey minsan ke elin ku pa ibpenurù is kebpehimatey ni Jesus he elili kenitew.