1 Kurintu 15:25 - Manobo Western Bukidnon

²⁵ Ne te kenè pa haazà egkeulaula, kinahanglan he edhadì dè pa si Kristu taman te timpu he ed-eminen din edaag̵a is menge kuntada zin.

1 Kurintu 15:25 Кръстосани препратки

Mateo 22:44

‘Migkag̵i is Megbevayà diyà te Nengazen ku te, “Kayi ka pinuu te zapit te egkekewanan ku taman te kenè ku pa ibpeluhud diyà te kenikew is menge kuntada nu.” ’ ”

Marcos 12:36

Umba id-insè ku heini su mid-ulinan si Hadì David te Wag̵as he Mulin-ulin ne migkag̵i, ke sikandin te, ‘Migkag̵i is Megbevayà diyà te Nengazen ku te, “Kayi ka pinuu te zapit te egkekewanan ku taman te kenè ku pa ibpeluhud diyà te kenikew is menge kuntada nu.” ’ ”

Nengeulaula 2:34

Ne zutun te netagnà ni David wazè din iyan keg̵iya is kandin he lawa su wazà iyan si David tulusa te Megbevayà pehendiyà te langit. Duen selakew pa he insurat he lalag ni David he ke sikandin te, ‘Migkag̵i is Megbevayà diyà te Nengazen ku, ke sikandin te, “Dini ke zè pa pinuu te zapit te egkekewanan ku

Ipisu 1:22

Ne is Megbevayà, midhimu zin he sakup ni Kristu is minsan hengkey he linimbag. Umba midhimu zin si Kristu he egalen te minsan hengkey su wey kiw metevangi is langun he menge tumutuu.

Hibriyuhanen 1:13

Wazà belinsug̵uen te Megbevayà he migkeg̵iyan din te, “Dini ke zè pa pinuu te egkekewanan ku taman te kenè ku pa ibpeluhud diyà te kenikew is menge kuntada nu.”

Hibriyuhanen 2:8

Ne migkag̵i nu zaan he kinahanglan he keuzemà edhimuwen nu he mekevayàbayà sikandin te minsan hengkey.” Iyan haazà insurat dengan. Ne g̵eina te migkag̵i zutun he edhimuwen te Megbevayà is menusiyà he ebayàbayà te minsan hengkey, egkesavut ta zutun he zuen timpu keuzemà he wazà minsan hengkey he linimbag he kenà egkeveyveyaan te menusiyà. Ne g̵untaan netuenan ta he kenè pa ebpekevayàbayà is menusiyà te iring dutun.