1 Kurintu 14:37 - Manobo Western Bukidnon

³⁷ Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

1 Kurintu 14:37 Кръстосани препратки

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Ruma 12:3

Ne tenged te imbeg̵ey kedì te Megbevayà is keg̵ehem te kedsengyawa te lalag din, egkeg̵iyen ku keniyu te langun he kinahanglan he kenè niw isipa he lavew kew te menge zuma niw, kekenà, kinahanglan he hustu is ked-isipa niw te ketau niw sumalà is kedtuu he imbeg̵ey te Megbevayà diyà te kada sevaha keniyu.

1 Kurintu 14:29

Ne iring din ded daan haazà is menge etew he edseysey te impesavut kandan te Megbevayà su egkehimu he zezuwa zà ne emun kenà ne tetelu is egkag̵i. Ne kinahanglan he ebpemineg is langun ne ed-isipen dan ke hustu ve wey ke kenà haazà is egkeg̵iyen.

1 Kurintu 14:36

Kunaan niw vuwa ke ziyan dà ebpuun is Lalag te Megbevayà te keniyu! Ne emun kenà, ne kela ke kunaan niw ke iyan kew zà nepenurù te Lalag te Megbevayà.

1 Kurintu 14:38

Ne tenged kayi emun kenà haazà is etew ebpemineg kayi ne kenè niw zaan pemineg̵a is egkeg̵iyen din.

1 Kurintu 2:15

Ne sikan is etew he ziyà te kandin is Wag̵as he Mulin-ulin, egkesavut din mulà is pulus te minsan hengkey he ibpenurù te Wag̵as he Mulin-ulin. Iyan, haazà is etew he wazà diyà te kandin is Wag̵as he Mulin-ulin, kenà sikandin ebpekesavut ke hengkey is diyà te isip te menge etew he mibeg̵ayan te Wag̵as he Mulin-ulin.

1 Kurintu 3:1

Menge suled, hein diyan e pa te keniyu, wazè ku ikepenurù keniyu is mezalem he penurù iring te kebpenurua ku te menge etew he mid-ulinan te Wag̵as he Mulin-ulin su henduen kew te menge vatè pa te kedtuu ki Kristu wey menge etew he ebeyveyaan te suat dan.

1 Kurintu 7:25

Ne sikiyu zaan is wazè pa esawa, wazè ku sug̵ù keniyu he ebpuun te Nengazen, iyan, siak is nehimu he egkeserig̵an tenged te zekelà he hizu kediey te Megbevayà, duen sambag ku keniyu.

1 Kurintu 7:40

Iyan, meupiya pa is kebpekesavuk dutun te vahi ke kenè en sikandin ebpeesawa. Kediey zà he isip heini, iyan, edtuuwan ku he impinted kediey heini te Wag̵as he Mulin-ulin.

1 Kurintu 8:2

Is etew he kunaan din ke zekelè en is netuenan din, is hustu he ibpesavut pezem kandin te Megbevayà, wazè din pa metueni.

2 Kurintu 10:12

Telawen key iyan te ked-iring te menge ulaula te menge zuma he etew ziyan he menge mepedelig̵en. Kunaan dan ke iyan sikandan metau egkag̵i ke hengkey is meupiya he ulaula. Utew zan tulebung! Su emun ed-iringan te menge etew is kandan he ulaula egkeg̵iyen dan he utew meupiya. Iyan, ke kenà sikandan ed-iringan te menge etew egkeg̵iyen dan he sayep haazà is kenà ed-iring.

2 Kurintu 10:7

Purungi niw isipa is nesavut niw en su zuen menge zuma niw he kunaan dan ke iyan dan dà menge hustu he sulug̵uen ni Kristu. Kinahanglan he mesavut dan he sikami, hustu key zaan he menge sulug̵uen ni Kristu.

2 Kurintu 11:4

Umba egkeipeng a su ke zuen ebpekeuma ziyan he selakew is ibpesavut dan mehitenged ki Jesus, ne selakew is mulin-ulin he ibpenurù dan, ne kenè dan iyan ibpesavut is tutuu he tuluuwen he impesavut dey, kekenà, selakew is ibpenurù dan, ne ed-entusen niw mulà is kandan he kebpenurù ne kenà duen dà taman su utew niw egkesuati te ebpemineg.

Gelasya 6:8

Emun edtumanen te etew is kandin he egkesuatan, iyan egkezawat din is kemetayen he wazà pidtemanan. Emun edtumanen din is egkengesuatan te Wag̵as he Mulin-ulin, ibeg̵ey kandin is untung he wazà pidtemanan.

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

1 Juan 4:6

Iyan, sikitew mulà, gaked kiw te Megbevayà ne tenged dutun ebpemineg te ibpenurù tew is minsan hentei he emig̵u te Megbevayà. Iyan, is minsan hentei he kenà gaked te Megbevayà, kenà ebpemineg te ibpenurù tew. Pinaag̵i kayi egketuusan tew ke hentei is mid-ulinan te Wag̵as he Mulin-ulin he ebpenurù te tutuu wey ke hentei is mid-ulinan te teruen he mulin-ulin.

Hudas 1:17

Tentenuzi niw, menge suled, is netagnà dengan te menge epustul he midsug̵ù te Nengazen tew he si Jesu Kristu.