1 Kurintu 14:35 - Manobo Western Bukidnon

³⁵ Ke zuen id-insà te vahi ne kinahanglan he kenè din iinsà dutun te valey he edtig̵uman, kekenà, iinsè din te esawa zin emun nekeulì dan en. Su mekeeled-eled he ulaula is kegkag̵i te vahi zutun te kedtig̵um te menge tumutuu.

1 Kurintu 14:35 Кръстосани препратки

1 Kurintu 11:14

Su puun pa te zengan dà ne netuenan tew he utew igkeeled te maama ke melayat is bulvul zin he iring te vahi.

1 Kurintu 11:6

Su emun wazà lembung te ulu zin ne zeyzey ke ebengulan sikandin. Ne utew igkeeled te vahi ke ebpealut wey ke ebengulan. Ne emun egkeeled sikandin he ebengulan kinahanglan he zuen lembung te ulu zin.

1 Kurintu 14:34

Ne zuen pa idtelaan ku keniyu he iyan daan ed-ul-ulahan te menge tumutuu ziyà te minsan hendei he inged. Iyan is: kenè niw itug̵ut he zuen bahi he ebpenurù ke edtig̵um kew te kedsimba. Mebpeninimè dan dà. Su impenurù daan te kesug̵uan te menge Hudiyu he kenà mebayàbayà is menge vahi.

1 Kurintu 14:36

Kunaan niw vuwa ke ziyan dà ebpuun is Lalag te Megbevayà te keniyu! Ne emun kenà, ne kela ke kunaan niw ke iyan kew zà nepenurù te Lalag te Megbevayà.

Ipisu 5:12

Su is menge vaal he id-eles dan, utew mekeeled-eled minsan is kebenteeni zà kayi.

1 Pedro 3:7

Sikita zaan is maama, kinahanglan he ebpurungan ta wey edtehuzen ta is esawa ta. Su minsan pa te meluya is lawa zan kenà is kenita, iring sikandan kenita su imbeg̵ey zaan kandan te Megbevayà is untung he wazà pidtemanan. Ne tenged kayi kinahanglan he edtehuzen ta sikandan su wey pemineg̵a te Megbevayà is kebpengampù ta.