1 Kurintu 14:32 - Manobo Western Bukidnon

³² Su is etew he ebpeneuven te Megbevayà, egkehimu zin te ed-eg̵en is gehinawa zin su wey kenà sikandin mekeredsà dutun te egkag̵i he iring din he ebpeneuven daan te Megbevayà.

1 Kurintu 14:32 Кръстосани препратки

Nengeulaula 13:1

Ne zuen menge tumutuu ziyà te inged he Entiyukya he menge menunudlù wey ebpemeneuven te Megbevayà. Dutun si Bernabe, si Simeon he migeraran daan te Meitem. Dutun daan si Lucio he tigSirini wey si Menain he ziyè en medekelà te turug̵an su impeelukuy ki Gubirnedur Hirudis hein batè pa. Ne zutun daan si Seulu.

1 Kurintu 14:31

Egkehimu he egkag̵i kew is langun, asal, kenè kew mebperedredseey ne zutun egkepenurù wey egkesembag̵an is langun.

1 Kurintu 14:33

Kenà egkesuatan te Megbevayà he mebperedredseey kew emun edtig̵um kew is edsimba kandin. Su kenà iyan in-ulin kenitew is kegkeliveg̵i, kekenà, iyan is melinawen he ulaula.

2 Tiselunika 2:2

Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.

Impezayag 22:6

Ne migkeg̵iyan a zutun te velinsug̵uen, ke sikandin te, “Heini is menge lalag he nezineg nu, utew venar ne tutuu he egkengetuman. Is Megbevayè tew he Nengazen te langun, imbeg̵ey zin is Wag̵as he Mulin-ulin diyà te ebpemeneuven din ne midsug̵ù din is belinsug̵uen din wey zan ikepaahà diyà te menge sulug̵uen din ke hengkey is meg̵aan en he egkeulaula.”