1 Kurintu 14:30 - Manobo Western Bukidnon

³⁰ Ne ke zuen ebpimpinuu zutun he ebpemineg ne ibpesavut kandin te Megbevayà is ibpekag̵i zin kandin, ne kinahanglan he ed-engked egkag̵i haazà is nehuna su wey mekekag̵i haazà is duma zin.

1 Kurintu 14:30 Кръстосани препратки

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

1 Kurintu 14:29

Ne iring din ded daan haazà is menge etew he edseysey te impesavut kandan te Megbevayà su egkehimu he zezuwa zà ne emun kenà ne tetelu is egkag̵i. Ne kinahanglan he ebpemineg is langun ne ed-isipen dan ke hustu ve wey ke kenà haazà is egkeg̵iyen.

1 Kurintu 14:31

Egkehimu he egkag̵i kew is langun, asal, kenè kew mebperedredseey ne zutun egkepenurù wey egkesembag̵an is langun.

1 Kurintu 14:6

Ne penenglitan, menge suled, ke ebpekeuma a ziyan ne iyan dà egkeg̵iyen ku keniyu is pinaag̵i zà te kineg̵iyan he kenè niw egketuenan, hengkey is pulus din? Deyzey ke idseysey ku keniyu is impesavut kedì te Megbevayà ne emun kenà haazà, ne kinahanglan he zuen ibpenurù ku keniyu he tuluuwen wey ke penurù be he impesavut kedì, ne human duen pulus te egkeg̵iyen ku.