Ne ziyè pa te sevaha, ibeg̵ey zaan te Wag̵as he Mulin-ulin is gehem wey mekehimu sikandin te menge egkengein-inuwan; ne ziyà te zuma pa ibeg̵ey is ketau te kedseysaya te impesavut kandin te Megbevayà; ne te zuma pa ibeg̵ey kandin is kegketueni te ed-ulin, ke ebpuun be te Megbevayà is ed-ulin wey ke mezaat he mulin-ulin ve haazà. Ne zuen daan menge etew he ebeg̵ayan te Megbevayà te ketau te kegkag̵i te kineg̵iyan he kenè dan egketuenan. Ne zuen daan menge etew he ibeg̵ey kandan is ketau te kedluwas duen te egkeg̵iyen kayi.
1 Kurintu 14:27 - Manobo Western Bukidnon27 Ke zuen ebpemekekag̵i te kineg̵iyan he kenè dan egketuenan, ne zezuwa zà is megkag̵i, ne emun kenà ne tetelu, ne kenè dan mebperedredseey ne kinahanglan he zuen dutun metau he edluwas. Вижте главата |
1 Kurintu 14:27
6 Кръстосани препратки
Ne emun duen ebpintezan te kineg̵iyan he kenè din egketuenan, iyan din egkelelag̵an is Megbevayà ne kenè din iyan egkelelag̵an is menge zuma zin he etew su kenè dan egkesavut is egkeg̵iyen din. Haazà is egkeg̵iyen din, ne in-ulin kandin te Wag̵as he Mulin-ulin, iyan, in-eles haazà su wazà ebpekesavut.
Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.
Egkesuatan ku pezem he ikeveg̵ey keniyu te langun is ketau te kegkag̵i te kineg̵iyan he kenè niw egketuenan, iyan, utew pezem deyzey ke igkeveg̵ey keniyu is ketau te kedseysey te ibpesavut te Megbevayà. Su zekelà is pulus te kedseysey te ibpesavut te Megbevayà, kenà te kegkag̵i te kineg̵iyan he kenà egketuenan, asal, duen ded daan pulus kayi ke zuen ebpekeluwas su zutun ebpeketavang te langun he menge tumutuu haazà is egkeg̵iyen.
Реклами