1 Kurintu 14:22 - Manobo Western Bukidnon

²² Ne tenged kayi egkesavut ta he heini is ketau te kegkag̵i te kineg̵iyan he kenà egketuenan, ne ibeg̵ey heini te Megbevayà su wey metueni te kenà menge tumutuu he ebpuun heini ziyà te Megbevayà. Iyan, haazà is ketau te kedseysey te impesavut te Megbevayà, imbeg̵ey zin heini su wey meheg̵et is kedtuu te menge etew he nemeketuu en.

1 Kurintu 14:22 Кръстосани препратки

Marcos 16:17

Ne sikan is etew he edtuu kediey, duen menge singyal he egkehimu zan. Pinaag̵i te keg̵ehem te ngazan ku igkepeg̵uwè dan is menge mezaat he mulin-ulin he ebpenlalung te menge etew. Ne ebpekekag̵i sikandan te kineg̵iyan he kenè dan egketuenan.

Lucas 12:46

Su zutun te andew he wazè din peebuta wey te uras he wazè din metueni, ebpekeulì haazà is egalen din. Ne haazà is sulug̵uen, ebeelan diyà te kandin is iring te ebeelan diyà te menge sulug̵uen he kenà egkeserig̵an ne edhimetayan sikandin te egalen din.

1 Kurintu 14:1

Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

1 Timoteo 1:9

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,