1 Kurintu 14:21 - Manobo Western Bukidnon

²¹ Su zuen insurat he Lalag te Megbevayà he edhenduen te, “Edsug̵uen ku ziyan te keniyu te menge Hudiyu is menge etew he selakew is kineg̵iyan dan su kenè dan menge zuma niw he Hudiyu. Ibpekag̵i ku sikandan diyan te keniyu, iyan, minsan pa zutun te utew igkeinuinu heini, kenè kew ebpemineg te ibpepenudtul ku kandan diyan te keniyu.” Iyan heini Lalag te Megbevayà.

1 Kurintu 14:21 Кръстосани препратки

Juan 10:34

Ne midtavak si Jesus te, “Duen insurat he Lalag te Megbevayà diyà te kesug̵uan tew he edhenduen te, ‘Migkag̵i ku he menge megbevayè kew.’ ”

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

1 Kurintu 14:34

Ne zuen pa idtelaan ku keniyu he iyan daan ed-ul-ulahan te menge tumutuu ziyà te minsan hendei he inged. Iyan is: kenè niw itug̵ut he zuen bahi he ebpenurù ke edtig̵um kew te kedsimba. Mebpeninimè dan dà. Su impenurù daan te kesug̵uan te menge Hudiyu he kenà mebayàbayà is menge vahi.