1 Kurintu 14:15 - Manobo Western Bukidnon

¹⁵ Tenged kayi egkesuatan ku he mekeampù a he ed-ulinan te Wag̵as he Mulin-ulin, iyan, egkesuatan ku zaan he mesavut te menge zuma ku ke hengkey is egkeg̵iyen ku. Ne emun egkanta a, egkesuatan ku he ed-ulinan a is egkanta te Wag̵as he Mulin-ulin, iyan, kinahanglan daan he egkesavut haazà is egkentahan ku.

1 Kurintu 14:15 Кръстосани препратки

Nengeulaula 21:22

Siguradu egkezineg dan he nekeuma ke en. Hengkey is meupiya he edhimuwen?

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

1 Kurintu 10:19

Iyan ibpesavut ku kayi is: baal zà te etew is ledawan he ed-ezapen te menge etew ne ke zuen egkeenen he ibpemuhat dutun, ne egkeenen dà duen su kenà tutuu he ed-ezapen haazà is ledawan.

1 Kurintu 14:14

Su emun edlelag̵an ku is Megbevayà te kineg̵iyan he kenè ku egketuenan, ne egkehimu he ed-ampù a pinaag̵i te Wag̵as he Mulin-ulin, iyan, wazà mekeseled diyà te isip ku haazà is egkeg̵iyen te vèbè ku.

1 Kurintu 14:19

Iyan, minsan pa zutun, emun diyà a te ketig̵uman te menge tumutuu, kenè ku egemiten su meupiya pa zutun is kegkeg̵iya ku te minsan lelima zà he lalag he egkesavut he ebpeketavang te menge zuma ku, kenà is kegkeg̵iya te liblibuwen he menge lalag he kenà egkesavut.

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Pilipus 1:18

Iyan, nasì ku igkelipey heini is menge vaal zan su ke hustu is tuyù dan wey minsan ke mezaat, maambe en, asal mevantug dan si Kristu.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

Santiago 5:13

Ke zuen minsan hentei keniyu he egkeseeng, kinahanglan he med-ampù. Ke zuen egkelipey, megkanta sikandin te kedalig te Megbevayà.

Hudas 1:20

Ne sikiyu mulà, menge minahal ku he suled, peniguduwi niw is kebpetebtevangè niw su wey meheg̵et is kedtuu niw te tuluuwen he impetuuwan kenitew te Megbevayà. Pekezesen kew ampù pinaag̵i te g̵ehem he ibeg̵ey te Wag̵as he Mulin-ulin.