1 Kurintu 14:1 - Manobo Western Bukidnon

¹ Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

1 Kurintu 14:1 Кръстосани препратки

Ruma 12:6

Ne zuen ketau he imbeg̵ey te Megbevayà diyà te kada sevaha he parti, asal, kenà ebpeked-iiring haazà is ketau te kada sevaha. Kinahanglan he egemiten ta is ketau he imbeg̵ey kenita. Ne penenglitan ke imbeg̵ey ziyà te sevaha is ketau te kebpesevuta te Lalag te Megbevayà ne kinahanglan he mekeikul heini te tuluuwen he midtuuwan ta.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

Ruma 9:30

Ne iyan ibpesavut ku kayi is: is menge etew he kenà menge Hudiyu, minsan pa te wazà metag̵ù diyà te isip dan he egkehimu he meisip sikandan he metazeng te Megbevayà, duen menge zuma kandan he pinaag̵i te kedtuu zan mid-isip sikandan gihapun he metazeng.

1 Kurintu 12:1

Menge suled, egkesuatan ku he mepurung niw mesavut ke hengkey sikan is menge ketau he imbeg̵ey keniyu te Wag̵as he Mulin-ulin.

1 Kurintu 12:31

Itag̵ù niw ziyà te g̵ehinawa niw he iyan hustu he ebuyuen niw ziyà te Megbevayà sikan is menge ketau he utew zekelà is pulus din. Iyan, duen pa paag̵i he utew pa zekelà is pulus din.

1 Kurintu 13:13

Na, duen tetelu he ebpeveelan kenita he kenà egkeawà. Kinahanglan he edtuuwan ta is Megbevayà, kinahanglan daan he layun ta ebperetenga is kegketuman te impenaad kenita te Megbevayà, ne kinahanglan daan he ebmahalen ta is menge zuma ta. Ne is lavew he meupiya kayi te tetelu, ne iyan is kebmahala ta te menge zuma ta.

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.

1 Kurintu 14:22

Ne tenged kayi egkesavut ta he heini is ketau te kegkag̵i te kineg̵iyan he kenà egketuenan, ne ibeg̵ey heini te Megbevayà su wey metueni te kenà menge tumutuu he ebpuun heini ziyà te Megbevayà. Iyan, haazà is ketau te kedseysey te impesavut te Megbevayà, imbeg̵ey zin heini su wey meheg̵et is kedtuu te menge etew he nemeketuu en.

1 Kurintu 14:37

Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

1 Kurintu 14:39

Na, menge suled, iyan niw ihuna ziyà te g̵ehinawa niw is kedseysey te impesavut keniyu te Megbevayà. Kenè niw zewaya is etew he egkag̵i te kineg̵iyan he kenè din egketuenan, iyan,

1 Kurintu 16:14

Ne minsan hengkey is ebeelan niw, layun niw ipaahà is kebmahala niw te menge zuma niw.

Ipisu 1:3

Dekelà utew is kebpeselemati tew te Megbevayà he Amey te Nengazen tew he si Jesu Kristu su tenged te kebpekidsevaha tew ki Kristu, intuvad din kenitew ziyà te langit is minsan hengkey he meupiya pinaag̵i te ked-ulini kenitew te Wag̵as he Mulin-ulin.

1 Tiselunika 5:20

Kenè niw pesegdana is menge lalag te mid-ulinan,

1 Timoteo 4:14

Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

2 Pedro 1:7

Ne haazà daan, edheg̵etan ta te kegig̵ineg̵awè tew ne is kegig̵ineg̵awè tew, edheg̵etan ta zaan te kebmahala ta te menge zuma ta.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.