1 Kurintu 13:11 - Manobo Western Bukidnon

¹¹ Dengan te vatè e pa utew, ne wazè pa mehustu is pengisip ku, is kegkag̵i ku, wey is kegeg̵ehinawa ku su ulaula pa haazà te kengunguhezi. Ne g̵untaan te meg̵urang e en mid-engkezan ku en is menge zaan he ulaula te kengunguhezi.

1 Kurintu 13:11 Кръстосани препратки

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

1 Kurintu 13:10

Iyan, ke ibpesavut kenitew te Megbevayà is hustu ne zutun egkeawà haazà is kenè pa hustu.

1 Kurintu 13:12

Ne iring din ded daan, sikita, su g̵untaan iyan dà egketuenan ta is iring te alung he egepunen he egkeehè ta ziyà te peg̵elungan. Kenè te pa egkesavut is hustu. Iyan, keuzemà, kenà alung dà is egkeehè ta, kekenà, iyan en si Jesu Kristu is egkeehè ta. Ne zutun hustu mulà is kegkesevuta ta te langun iring te is Megbevayà, hustu is kegkesevuta zin kenita.

1 Kurintu 14:20

Kinahanglan, menge suled, he kenà iring te ked-isip te menge vatà is ked-isipa niw kayi. Iyan dà ulaula te vatà he meupiya he ed-iringan, haazà is kenè dan kegketueni te ked-isip te mezaat. Iyan, kinahanglan he iring te ked-isip te meg̵urang is ked-isipa niw kayi.

Gelasya 4:1

Penenglitan duen anak he minatey is amey zin te vatè pa utew sikandin. Ne minsan pa te sumusunud sikandin te langun he azen te amey zin he minatey, ne zutun te vatè pa sikandin, iring sikandin te sulug̵uen dà su zuen pa ebayàbayà kandin.