1 Kurintu 13:10 - Manobo Western Bukidnon

¹⁰ Iyan, ke ibpesavut kenitew te Megbevayà is hustu ne zutun egkeawà haazà is kenè pa hustu.

1 Kurintu 13:10 Кръстосани препратки

1 Kurintu 13:11

Dengan te vatè e pa utew, ne wazè pa mehustu is pengisip ku, is kegkag̵i ku, wey is kegeg̵ehinawa ku su ulaula pa haazà te kengunguhezi. Ne g̵untaan te meg̵urang e en mid-engkezan ku en is menge zaan he ulaula te kengunguhezi.

1 Kurintu 13:12

Ne iring din ded daan, sikita, su g̵untaan iyan dà egketuenan ta is iring te alung he egepunen he egkeehè ta ziyà te peg̵elungan. Kenè te pa egkesavut is hustu. Iyan, keuzemà, kenà alung dà is egkeehè ta, kekenà, iyan en si Jesu Kristu is egkeehè ta. Ne zutun hustu mulà is kegkesevuta ta te langun iring te is Megbevayà, hustu is kegkesevuta zin kenita.

1 Kurintu 13:9

Su is menge ketau wey is kedsavut te mezalem he penurù, ne kenè pa hustu heini.

Pilipus 3:12

Kenè ku iyan ibpesavut kayi he netuman en dini te kedì heini is langun wey ke nehimu e en he etew he wazè en duen igkesawey, kekenà, ebpenigudu a wey heini metuman su iyan heini tuyù ni Jesu Kristu zutun te kedhimuwa zin kedì he sakup din.