1 Kurintu 12:6 - Manobo Western Bukidnon

⁶ Sikitew is tumutuu, mezakel is ebpeveelan kenitew, iyan, iyan ed-ulin te kada sevaha kenitew is Megbevayà wey mehimu te kada sevaha is ebpeveelan kandin.

1 Kurintu 12:6 Кръстосани препратки

Juan 5:17

Iyan, duen ketezengan ni Jesus, ke sikandin te, “Is Amey ku he Megbevayà, kenà sikandin edhimeley he ebaal, ne siak, ebpenigudu a zaan ebaal.”

1 Kurintu 12:11

Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

1 Kurintu 12:5

Ne kenà daan ed-iiring-iring is ebpeveelan te Megbevayà te kada sevaha kenitew, iyan, umba edtumanen tew su wey tew mepenunuat sikandin is sebsevaha zà he Nengazen.

1 Kurintu 15:28

Su emun egkesakup en keuzemà ni Kristu is langun, ne zutun ebpesakup daan si Kristu te Megbevayà he iyan kes mibeg̵ey kandin te keg̵ehem te kedhadì te langun. Ne zutun iyan edhadì te minsan hengkey is Megbevayà.

1 Kurintu 3:7

Ne tenged kayi, haazà is ebpemula wey haazà is ebinyag, kenà iyan sikandan edelig̵en, kekenà, iyan edelig̵en is Megbevayà su ibpetuvù din haazà is impemula.

Ipisu 4:6

Sevaha zà daan is Megbevayà he Amey te minsan hentei. Iyan sikandin ebayàbayà te minsan hentei he tumutuu, ne ziyà sikandin te minsan hentei he tumutuu, ne edterebahu pinaag̵i te minsan hentei he tumutuu.

Pilipus 2:13

Su layun edtavang keniyu is Megbevayà wey niw mesuati ne wey niw mehimu is kedtumana te tuyù din diyan te keniyu.

Kulusas 1:29

Siak, ebpenigudu a ebaal he edlig-enan te zekelà he zesen ni Kristu su wey metuman heini.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

Hibriyuhanen 13:21

Berakat he pinaag̵i ki Jesu Kristu, is Megbevayà he ebeg̵ey te kelinew, beg̵ayi kew zin te minsan hengkey he tavang wey niw tumana is egkesuatan din. Berakat daan he himuwa kiw zin he menge etew he utew zin egkesuati is menge ulaula. Edelig̵en tew si Jesu Kristu te wazà pidtemanan.