1 Kurintu 12:31 - Manobo Western Bukidnon

³¹ Itag̵ù niw ziyà te g̵ehinawa niw he iyan hustu he ebuyuen niw ziyà te Megbevayà sikan is menge ketau he utew zekelà is pulus din. Iyan, duen pa paag̵i he utew pa zekelà is pulus din.

1 Kurintu 12:31 Кръстосани препратки

Mateo 5:6

Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

1 Kurintu 13:1

Minsan ke ebeg̵ayan a te ketau te kegkag̵i te menge kineg̵iyan dini te kelibutan wey minsan is kineg̵iyan te menge velinsug̵uen diyà te langit, ne kenè ku ebmahalen is menge zuma ku, wazà pulus din su iring dà haazà is kegkag̵i ku te zag̵ing te ag̵ung etawa kulingtangan.

1 Kurintu 14:1

Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

1 Kurintu 14:39

Na, menge suled, iyan niw ihuna ziyà te g̵ehinawa niw is kedseysey te impesavut keniyu te Megbevayà. Kenè niw zewaya is etew he egkag̵i te kineg̵iyan he kenè din egketuenan, iyan,

1 Kurintu 8:1

Ne mehitenged te insè niw ke idtug̵ut be kenitew te menge tumutuu ke egkeenen tew is usa he impemuhat diyà te menge tarù he ed-ezapen, netuenan tew te langun he heini is menge tarù he ed-ezapen ne wazè dan gehem kenitew. Ne minsan ke netuenan ta he wazà gehem dan kenita, egkehimu he ebpegalbu ki tenged kayi te netuenan ta emun wazà heini metueni te menge zuma ta. Umba egkeg̵iyen ku heini su kenè ki ebpeketavang te menge zuma ta pinaag̵i zà te netuenan ta, kekenà, pinaag̵i te g̵ag̵ew ta kandan.

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

Hibriyuhanen 11:4

Si Abel zengan, tenged te kedtuu zin te Megbevayà ne nehimu zin is utew pa meupiya he pemuhat kenà te impemuhat te kakey zin he si Kain. Ne tenged kayi te kedtuu ni Abel mid-isip te Megbevayà sikandin he metazeng su midawat te Megbevayà is impemuhat din. Ne minsan pa te zengan dà minatey si Abel zuen ketudluanan din kenitew tenged te mezesen is kedtuu zin.