1 Kurintu 12:26 - Manobo Western Bukidnon

²⁶ Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

1 Kurintu 12:26 Кръстосани препратки

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Mateo 5:29

Ne emun iyan nu igkepenulayi is kewanan he mata nu, lug̵ita nu wey itimbag! Meupiya pa ke wazè nu mata, kenà ke igkeagbur ka ziyà te hapuy he Impirnu is tivuuk he lawa nu.

Ruma 12:15

Ke zuen etew he zuen din igkelipey, melipey kew zaan tenged dutun te kelipey zin. Ne ke zuen etew he zuen igkeseeng din, keseeng kew zaan tenged dutun te igkeseeng din.

1 Kurintu 12:25

Midhimu te Megbevayà is menge parti te lawa ta su wey zan mesevaha ne pinaag̵i zutun ebpekedtetevangè dan.

1 Kurintu 12:27

Iyan kehulug̵an kayi te langun is: sikitew is menge tumutuu, ne menge parti kiw te lawa ni Kristu.

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Hibriyuhanen 13:3

Kenè niw lipati is kedtavang niw te menge tumutuu he pirisu. Purungi niw sikandan he iring te iyan kew nepirisu. Tevangi niw zaan is menge tumutuu he ebpesipelahan he iring te iyan is keugelingen niw he lawa nepesipelahan.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.