1 Kurintu 12:16 - Manobo Western Bukidnon

¹⁶ Ne ke egkag̵i zaan is telinga ne ke sikandin te, “Siak, kenà a parti kayi te lawa su kenè e man mata.” Ne minsan pa zaan ke iyan heini egkekag̵i zin, parti zed gihapun sikandin te lawa.

1 Kurintu 12:16 Кръстосани препратки

Ruma 12:10

Sikitew is midsusuled pinaag̵i ki Kristu, ibpeehè tew he mahal zini te g̵ehinawa tew is kada sevaha kenitew, ne ibmeupiya te g̵ehinawa tew is kedtahud tew te menge zuma tew.

Ruma 12:3

Ne tenged te imbeg̵ey kedì te Megbevayà is keg̵ehem te kedsengyawa te lalag din, egkeg̵iyen ku keniyu te langun he kinahanglan he kenè niw isipa he lavew kew te menge zuma niw, kekenà, kinahanglan he hustu is ked-isipa niw te ketau niw sumalà is kedtuu he imbeg̵ey te Megbevayà diyà te kada sevaha keniyu.

1 Kurintu 12:15

Penenglitan ke ebpekekag̵i is paa, ne ke sikandin te, “Kenà a parti te lawa su kenè e man belad.” Ne minsan pa ke iyan heini egkekag̵i zin ne kenà egkehimu he kenà parti te lawa is paa.

1 Kurintu 12:17

Su emun ke pudu mata is lawa te etew ne kenà sikandin ebpekezineg. Ne emun pudu telinga, ne kenà ebpekehazek.

1 Kurintu 12:22

Su kenà egkehimu ke kenè ta egkeg̵amit haazà is menge parti te lawa ta he kunaan ta ke wazè ta zuen egkeg̵emitan.

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.