1 Kurintu 12:11 - Manobo Western Bukidnon

¹¹ Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

1 Kurintu 12:11 Кръстосани препратки

Mateo 11:26

Umba ebpeselematan ku su midhimu nu heini te iring kayi tenged te iyan egkesuatan nu tenged te g̵ag̵ew nu.”

Mateo 20:15

Kenè be egkehimu he iyan a ebayàbayà te kediey he selapì? Egkesina kew ve kandan tenged te ketulanged ku?’ ”

Juan 3:27

Ne midtavak si Juan te, “Wazà gehem te minsan hentei ke wazà iveg̵ey kandin te Megbevayà.

Juan 3:8

Is keramag, minsan hendei zà duen ebpevayà ne egketuusan ta su egkezineg ta is dag̵ing din, iyan, kenè ta egketuenan ke hendei ebpuun wey ke hendei ebpevayà. Iring din ded daan is gehem te Wag̵as he Mulin-ulin diyà te etew he id-anak pinaag̵i te g̵ehem din su kenà heini egkesavut te etew zà duen.”

Juan 5:21

Is Amey ku, ebenhawen din is menge minatey ne ibeg̵ey zin kandan is untung. Ne siak is anak din, untung daan is ibeg̵ey ku ziyà te minsan hentei he ebpilien ku.

Ruma 12:6

Ne zuen ketau he imbeg̵ey te Megbevayà diyà te kada sevaha he parti, asal, kenà ebpeked-iiring haazà is ketau te kada sevaha. Kinahanglan he egemiten ta is ketau he imbeg̵ey kenita. Ne penenglitan ke imbeg̵ey ziyà te sevaha is ketau te kebpesevuta te Lalag te Megbevayà ne kinahanglan he mekeikul heini te tuluuwen he midtuuwan ta.

Ruma 9:18

Ne egketuenan ta zutun he is Megbevayà, ne iyan ebayàbayà ke hentei is igkehizu zin sumalà is egkesuatan din te minsan hentei. Ne iyan daan sikandin ebayàbayà ke hentei is idtug̵ut din he kenà ebpezumazuma kandin sumalà is egkesuatan din te minsan hentei.

1 Kurintu 12:18

Meupiya su kenà iring dutun is kedlimbag̵a te Megbevayà su te kedlimbag̵a zin te etew, midlimbag din dutun te lawa te etew is langun he kenà ed-iiring-iring he egkinehenglanen din sumalà is egkesuatan te Megbevayà.

1 Kurintu 12:4

Ne haazà is menge ketau he ibeg̵ey kenitew te Wag̵as he Mulin-ulin, ne kenà ed-iiring-iring, iyan, sevaha zà is puunè dan he iyan is Wag̵as he Mulin-ulin.

1 Kurintu 12:6

Sikitew is tumutuu, mezakel is ebpeveelan kenitew, iyan, iyan ed-ulin te kada sevaha kenitew is Megbevayà wey mehimu te kada sevaha is ebpeveelan kandin.

1 Kurintu 7:17

Ne minsan hengkey is kebpekesavuk te kada sevaha kenitew zini te kelibutan, kinahanglan he edtumanen te kada sevaha is ebpeveelan kandin te Megbevayà sumalà ke hengkey is kebpekesavuk din dutun te kebpetuuwa kandin te Nengazen tew. Ibpenurù ku heini te menge tumutuu ziyà te minsan hendei he inged.

1 Kurintu 7:7

Su egkesuatan ku pezem he ed-iringan a keniyu is wazè din esawa, iyan, netuenan ku he wazà himuwa te Megbevayà he meked-iiring kiw su imbeg̵ey zin diyà te sevaha is kebpekeantus te kenà kebpengesawa, ne selakew is imbeg̵ey zin diyà te sevaha.

2 Kurintu 10:13

Ne sikami, kenà subra is kedantal zey su iyan dey zà idantal haazà is nehimu zey te edtuman he insug̵ù kenami te Megbevayà. Ne ragkes kayi is menge vaal zey hein diyan key te keniyu.

Ipisu 1:11

Is langun he ed-ul-ulahan te Megbevayà, ne iyan kedtumana te tuyù din wey egkesuatan din. Ne tenged te iyan tuyù din, mibpilì key zin is menge tumutuu he Hudiyu wey key mehimu he menge sakup din he ebpekidsevaha ki Kristu. Iyan heini tuyù din he zaan he mid-isip din. Ne sikami is menge Hudiyu he nengehuna he nemeketuu ki Kristu, umba mibpilì key zin su iyan egkesuatan din he pinaag̵i kenami edelig̵en sikandin he utew mekeg̵eg̵ehem.

Ipisu 4:7

Sikitew is langun, mibeg̵ayan is kada sevaha kenitew te ketau sumalà is egkesuatan ni Kristu he ibeg̵ey kenitew.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.