1 Kurintu 11:34 - Manobo Western Bukidnon

³⁴ Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

1 Kurintu 11:34 Кръстосани препратки

1 Kurintu 11:33

Na, menge suled ku, emun edtig̵um kew te kegkaan te Idlavung te Nengazen, teg̵azi niw is menge zuma niw.

1 Kurintu 16:1

Ne zuen pa id-sug̵ù ku keniyu mehitenged te ked-emutè niw te selapì he idtavang niw te egkengeayuayu he menge zuma tew he tumutuu. Insug̵ù ku en daan heini te menge zuma tew ziyà te prubinsya he Gelasya.

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

1 Kurintu 16:5

Edhendiyan a te Kurintu emun egketapus ku is tuyù ku ziyà te prubinsya he Mesidunya su egkeisip ku he ziyà a ebayà te Mesidunya.

1 Kurintu 4:17

Umba, edsug̵uen ku ziyan te keniyu si Timoteo. Minahal ku sikandin he anak he utew metinumanen te menge sug̵ù te Nengazen. Ibpenurù din keniyu is menge ulaula ku, ne iyan heini meupiya he ed-ul-ulahan te tumutuu ki Kristu, ne iyan daan ibpenurù ku te menge tumutuu ziyà te minsan hendei he inged.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.

1 Kurintu 7:17

Ne minsan hengkey is kebpekesavuk te kada sevaha kenitew zini te kelibutan, kinahanglan he edtumanen te kada sevaha is ebpeveelan kandin te Megbevayà sumalà ke hengkey is kebpekesavuk din dutun te kebpetuuwa kandin te Nengazen tew. Ibpenurù ku heini te menge tumutuu ziyà te minsan hendei he inged.

Tito 1:5

Iyan integ̵aka ku kenikew ziyan te Krita is wey nu mehimasad is menge vaal he wazè ta mepasad, ne wey nu zaan mepilì diyà te kada inged is menge ebmeg̵urangen he egkeserig̵an te menge tumutuu. Emun ebpilien nu is menge ebmeg̵urangen, ul-ulaha nu is intelaan ku kenikew.