1 Kurintu 11:17 - Manobo Western Bukidnon

¹⁷ Ne zuen pa egkeg̵iyen ku keniyu, ne iyan is: kenè ku egkesuatan is ulaula niw emun edtig̵um kew su kenà egkeheg̵et is kedtuu niw pinaag̵i te kedtig̵um niw, kekenà, henduen be te egkehugkà.

1 Kurintu 11:17 Кръстосани препратки

Ruma 13:3

Su wazà kinahanglan he egkehandek ki te ebpemunuan kenita ke meupiya is menge ulaula ta; wey ki zà egkehandek ke ebaal ki te mezaat. Emun egkesuat kew he kenè kew mahandek te menge ebpemunuan ne ul-ulaha niw is meupiya he ulaula ne edelig̵en kew zan.

1 Kurintu 11:2

Duen ed-ul-ulahan niw he layun ku egkeg̵iya he utew meupiya he iyan is: wazè a keniyu melipati ne is impenurù ku keniyu ne edtumanen niw layun.

1 Kurintu 11:20

Heeyan is kedtig̵um niw te kegkaan, kenà iyan paag̵i te kedtumana te Idlavung te Nengazen.

1 Kurintu 11:22

Maan is kenè kew ziyà egkaan te menge valey niw? Tenged keniyu te menge leg̵ezen egkengeeled is menge zuma niw he egkeayuayu ne egkezeetan niw is dengeg te tivuuk he tumutuu ziyan. Kunaan niw vuwa ke kenà utew ku igkeepes is ulaula niw he iring kayi! Kenè ku iyan egkesuatan is mid-ulaula niw.

1 Kurintu 11:34

Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

1 Kurintu 14:23

Umba, ke nengetig̵um is menge tumutuu wey egemiten te langun dutun is ketau te kegkag̵i te kineg̵iyan he kenè dan egketuenan wey ke penenglitan duen edseled dutun he menge bisita he sikan pa meketuu wey ke kenè be tumutuu ne kunaan dan ke ebuneg̵en kew.

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

Hibriyuhanen 10:25

Kenè tew ed-engkezan is kedtig̵um tew te ked-azap te Megbevayà; kenè tew ed-iringan is duma he menge tumutuu he mid-engkezan dan en is kedsimba, kekenà, edtig̵um kiw su wey kiw mekepesemsembag̵à. Utew heini kinahanglan, lavew en emun egketuusan ta he meg̵aan en is kedlikù te Nengazen tew he si Jesus.

1 Pedro 2:14

Ebpesakup ki zaan te gubirnedur su iyan midsug̵ù te lavew he hadì wey zin siluti is menge mesinupaken ne wey zin daan delig̵a is menge metazeng.