1 Kurintu 10:27 - Manobo Western Bukidnon

²⁷ Ne ke zuen etew he wazà medtuu te Nengazen tew ne ibpekaan ke zin diyà te valey zin ne ke edhendiyè ka, egkehimu he egkeenen nu is idhenat din kenikew zutun, asal kenè nu iinsà ke impemuhat be wey ke wazà su wey kenà ibmesakit haazà te g̵ehinawa nu ke ingkepemuhat haazà.

1 Kurintu 10:27 Кръстосани препратки

Lucas 15:23

Ne kuwaa niw sikan is nati he vaka he impelambù ku ne lepaa niw su egkaan kiw ne edlipey kiw.

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

1 Kurintu 10:25

Na. Egkehimu he egkeenen ta is minsan hengkey he usa he imbelegyà diyà te mirkadu, iyan, kenè ta id-insà ke impemuhat be wey ke wazà su wey wazà ibmesakit te g̵ehinawa ta ke egkeenen ta.

2 Kurintu 1:13

Iyan dey zà idtag̵ù te surat emun ebpeuwitan dey sikiyu te surat is egkevasa niw wey egkesavut niw. Ne egkesuatan ku he egkepurung niw egkesavut

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

2 Kurintu 5:11

Ne g̵eina te netuenan dey he utew mekehandekhandek keuzemà haazà is kedsusiya te Nengazen te menge ulaula te menusiyà, edhimuwen dey pezem is taman te egkehimu zey wey meketuu is menge etew. Netuenan te Megbavayà he kenà mezaat is tuyù dey, ne egkesuatan ku he metueni niw zaan heini.