1 Kurintu 10:21 - Manobo Western Bukidnon

²¹ Sikitew is tumutuu, emun edtuman ki en duen te intelaan he Idlavung te Nengazen, ne kenà egkehimu he ed-inum ki wey egkaan ki zaan duen te impemuhat te kenà menge tumutuu ziyà te menge mezaat he mulin-ulin su ebpekeiring te zuen tew kebpekid-upakat te menge mezaat he mulin-ulin.

1 Kurintu 10:21 Кръстосани препратки

Mateo 6:24

Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.

1 Kurintu 10:16

Sikitew is menge tumutuu, emun edtig̵um kiw su edtumanen tew is kedtenuzi te kebpatey ni Kristu, duen ed-inumen tew he ebpeselematan tew te Megbevayà. Tuus heini he mibpelisan kiw en te lengesa ni Kristu. Ne is supas he ebpenebtevien tew ne egkeenen tew, kebpekeambit tew heini te lawa ni Kristu.

1 Kurintu 8:10

Su penenglitan, ke zuen duma ta he wazà sikandin mekesavut te hustu, ne sikita is nekesavut mulà, neehè ki zin is egkaan dutun te valey he zutun ed-ezapen is tarù he megbevayà, ne egkeuwit sikandin ne edtampu zaan sikandin he egkaan, iyan, egkepenulayan is isip din su kunaan din ke tutuu he ed-ezapen haazà is ed-ezapen dan dutun.