1 Kurintu 10:14 - Manobo Western Bukidnon

¹⁴ Ne tenged kayi, menge suled, likayi niw is ked-ezapa te kenà tutuu he megbevayà.

1 Kurintu 10:14 Кръстосани препратки

Nengeulaula 15:20

Iyan is: ebpesuratan tew sikandan ne egkeg̵iyen tew kandan he kenè dan megkaan te egkeenen he indawey su impemuhat diyà te menge kenà tutuu he megbevayà; ne kenè dan daan hileveti is kenè dan esawa, wey kenè dan daan megkaan te lengesa wey te edlepaan he kenà ebpekelelengesa. Iyan dà heini menge sug̵ù he imbilinbilin ni Moises he ibpetuman tew kandan.

Ruma 12:19

Kenè niw, menge minahal ku he suled, velesi is etew he ed-ulaula te mezaat diyà te keniyu, kekenà, pesegdana niw he iyan edsilut is Megbevayà su zuen insurat he Lalag te Megbevayà he edhenduen te, “Iyan a ebales; iyan a edsilut.”

1 Kurintu 10:15

Sikiyu, ne metau kew he ed-isip, umba, isipa niw heini is egkeg̵iyen ku.

1 Kurintu 10:19

Iyan ibpesavut ku kayi is: baal zà te etew is ledawan he ed-ezapen te menge etew ne ke zuen egkeenen he ibpemuhat dutun, ne egkeenen dà duen su kenà tutuu he ed-ezapen haazà is ledawan.

1 Kurintu 10:7

Kenè tew ed-ezapen is kenà hustu he ed-ezapen he iyan ulaula zan dengan su zuen insurat he Lalag te Megbevayà he edhenduen te, “Mid-erungutan dan su egkeenen dan wey ed-inumen dan is impemuhat dan, ne neipus haazà ne midsayew zan.”

2 Kurintu 11:11

Kunaan niw vuwa ke umba egkeg̵iyen ku he kenà a ebuyù diyan te keniyu su wazà gehinawa ku keniyu, iyan, utew kew mahal zini te g̵ehinawa ku. Netuenan te Megbevayà he mahal kew zini te g̵ehinawa ku.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 12:19

Kunaan niw vuwa ke pinaag̵i kayi te egkeg̵iyen ku ibpesavut ku keniyu he wazè dey menge sayep, iyan, kenà iyan heeyan tuyù ku. Su ebpeketistig̵us is Megbevayà he heini is migkag̵i ku keniyu, ne iyan hustu he egkeg̵iyen tenged te kebpekidsevaha ku ki Kristu. Ne, minahal ku he menge suled, insurat ku heini is langun, su wey meheg̵et is kedtuu niw.

2 Kurintu 6:17

Ne tenged kayi migkag̵i zaan is Megbevayà te, “Suwayi niw is ebpemen-azap te kenà tutuu he ed-ezapen ne sivey kew kandan. Engkezi niw is minsan hengkey he meremerik he ulaula ne edewaten ku sikiyu.

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

Pilimun 1:1

Minahal he emig̵u zey wey timbang dey he si Pilimun. Siak si Pablo is nepirisu tenged te kedtuu ku ki Jesu Kristu wey si Timoteo he suled tew, ebpesuratan dey sikew, wey si Epiya he etevey tew tenged te kedtuu, wey si Erkipu he zuma tew he sundaru ni Kristu wey elin daan ebpesuratan dey is menge tumutuu he ziyan edsimba te valey nu.

Hibriyuhanen 6:9

Na, menge minahal ku he menge suled, minsan pa te iring kayi is menge lalag ku keniyu, netuenan ku he meupiya pa mulà is egkezungguan niw su netuenan ku he zekelà is pulus te kedlibriya keniyu te Megbevayà.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.

Impezayag 22:15

Iyan, diyè dà te meziyù is mekeeled-eled is baal zin, wey is menge keteuwan, is memeremerik is ulaula, is menge memumunù, is ebpemenimba te menge ledawan wey is langun he menge etew he ebpenurù te tarù wey is etew he limbung is ulaula zin.