1 Kurintu 10:11 - Manobo Western Bukidnon

¹¹ Umba neulaula heini is langun su wey metueni te langun he kenà iyan haazà ulaula he egkesuatan te Megbevayà. Ne insurat daan heini su wey ikepenurù kenitew he edsilutan te Megbevayà is ed-ulaula te iring kayi. Su sikitew, meg̵aan tew en egkeumahi is kegketuman te langun he nengetagnà dengan.

1 Kurintu 10:11 Кръстосани препратки

Mateo 13:39

Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 13:40

Ne haazà is ebezuten dan he menge mezaat he pinemula he ebinsulan dan, iyan haazà egkehitavù keuzemà te ketepusan he timpu,

Ruma 13:11

Kinahanglan he iyan heini ed-ul-ulahan ta su netuenan ta ke hengkey is hustu he ed-ul-ulahan kayi te timpu. Su puun guntaan, is timpu keuzemà he zutun edhimesazen te Megbevayà is kedlibriya zin kenitew, uvey en kenà dutun te timpu zengan he neketuu kiw. Ne tenged kayi kinahanglan he kenè kiw iring te etew he nekelipezeng, kekenà, iring te etew he ed-andam.

Ruma 13:12

Su zini te kelibutan, iring te utew merusirem tenged te mezaat he ulaula, iyan, meg̵aan en egketapus is kezukileman su meg̵aan en egkepawà, he ke và dà egkeg̵iya, meg̵aan en edlikù si Kristu. Ne tenged kayi, ed-engkezan tew en is menge mezaat he ulaula he zait te kezukileman ne idsun-ud tew is limbutung he iyan is kerayag, he ke và dà egkeg̵iya, ed-ul-ulahan tew is meupiya he ulaula.

Ruma 15:4

Su is minsan hengkey he insurat dengan he Lalag te Megbevayà, ne umba impesurat din su wey kiw mepenurù. Su pinaag̵i te Lalag te Megbevayà ibpenurù kenitew is kebmeinentusen te kemereg̵enan wey edsembag̵an kiw su wey kenà maawà is kebpeebuta tew te meupiya he egkeulaula keuzemà.

Ruma 4:23

Ne is insurat he lalag dengan he ebpesavut he mid-isip sikandin he metazeng, ne wazà isurat tenged dà ki Abraham,

1 Kurintu 10:6

Umba nehitavù diyà te kandan heini is langun su wey kiw meleg̵uyi ke hengkey is egkehitavù kenitew ke egkesuatan tew te ed-ulaula is iring te mid-ulaula zan he mezaat.

1 Kurintu 7:29

Su ibpesavut ku keniyu, menge suled, he mevavè dà utew is timpu tew ne tenged kayi, puun guntaan is etew he zuen esawa zin, ne kinahanglan he tumana zin is ebpeveelan kandin te Nengazen he iring te wazè din esawa.

1 Kurintu 9:10

su siguradu elin key zaan egkeg̵iyen din dutun. Su umba edhag̵ù is edadu wey is ed-eg̵ani su ebpeebuten te uman sevaha kandan he zuen egkekuwa zan dutun te abut te tanà.

Gelasya 4:24

Ne sempità heini is dezuwa he vahi. Iyan kehulug̵an din is dezuwa he paag̵i he midtukud te Megbevayà te kebpekidsevaha zin te menusiyà. Si Hagar is bahi he uripen, ne iyan alung te paag̵i he imbeg̵ey te Megbevayà ki Moises diyà te vuntud he Siney. Iyan heini kes kesug̵uan. Su is menge anak ni Hagar, he ke và dà egkeg̵iya, is langun he nekesarig te kedtuman te kesug̵uan, ne menge uripen sikandan.

Pilipus 4:5

Kinahanglan he peketulanged kew te minsan hentei su meg̵aan en edlikù is Nengazen.

Hibriyuhanen 10:25

Kenè tew ed-engkezan is kedtig̵um tew te ked-azap te Megbevayà; kenè tew ed-iringan is duma he menge tumutuu he mid-engkezan dan en is kedsimba, kekenà, edtig̵um kiw su wey kiw mekepesemsembag̵à. Utew heini kinahanglan, lavew en emun egketuusan ta he meg̵aan en is kedlikù te Nengazen tew he si Jesus.

Hibriyuhanen 10:37

Su zuen insurat he Lalag te Megbevayà he edhenduen te, “Meg̵aan en is kebpekeuma te edteg̵azan niw ne kenà egkehimu he ebpekelimpas sikandin.

1 Juan 2:18

Menge anak ku, meg̵aan en egketapus heini is timpu. Nezineg niw en he keuzemà duen edlepew he egeraran te Kuntada ni Kristu. Guntaan duen en mezakel he menge kuntada ni Kristu ne tenged dutun netuenan ta he meg̵aan en iyan egketapus heini is timpu.