1 Kurintu 1:5 - Manobo Western Bukidnon

⁵ Su pinaagi kandin utew zekelà is kedtuvazi keniyu te Megbevayà ne zekelè en is kedsavut niw, ne metau kew en he ebpenurù.

1 Kurintu 1:5 Кръстосани препратки

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Ruma 11:12

Ne pinaag̵i te supak te menge Hudiyu he iyan is kenè dan kedtuu, midtuvazan te Megbevayà te utew meupiya is tivuuk he menusiyà. Ne pinaag̵i zaan te naawà diyà te menge Hudiyu is kedtuvazi kandan te Megbevayà, utew zekelà is kebpaahaa te Megbevayà te menge etew he kenà Hudiyu te g̵ag̵ew zin. Ne emun iyan heini, wey pe be kenà utew pa zekelà is meupiya he egkezawat te menge etew he kenà menge Hudiyu zutun te timpu keuzemà ke edlikuan te menge Hudiyu is kedtuu zan.

Ruma 15:14

Menge suled, netuenan ku en he layun meupiya is menge ulaula niw, ne netuenan ku zaan he nepurung niw en mesavut is Lalag te Megbevayà, ne egkehimu en he ebpekepenurù kew te zuma.

Ruma 15:4

Su is minsan hengkey he insurat dengan he Lalag te Megbevayà, ne umba impesurat din su wey kiw mepenurù. Su pinaag̵i te Lalag te Megbevayà ibpenurù kenitew is kebmeinentusen te kemereg̵enan wey edsembag̵an kiw su wey kenà maawà is kebpeebuta tew te meupiya he egkeulaula keuzemà.

1 Kurintu 12:10

Ne ziyè pa te sevaha, ibeg̵ey zaan te Wag̵as he Mulin-ulin is gehem wey mekehimu sikandin te menge egkengein-inuwan; ne ziyà te zuma pa ibeg̵ey is ketau te kedseysaya te impesavut kandin te Megbevayà; ne te zuma pa ibeg̵ey kandin is kegketueni te ed-ulin, ke ebpuun be te Megbevayà is ed-ulin wey ke mezaat he mulin-ulin ve haazà. Ne zuen daan menge etew he ebeg̵ayan te Megbevayà te ketau te kegkag̵i te kineg̵iyan he kenè dan egketuenan. Ne zuen daan menge etew he ibeg̵ey kandan is ketau te kedluwas duen te egkeg̵iyen kayi.

1 Kurintu 12:8

Ne ziyà te zuma ibeg̵ey pinaag̵i te Wag̵as he Mulin-ulin is ketau te kedseysey te tutuu he tuluuwen; ne ziyà te zuma pa ibeg̵ey pinaag̵i te g̵ehem te Wag̵as he Mulin-ulin is ketau te kedseysey te memezalem he ibpepenurù te Megbevayà.

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.

1 Kurintu 13:8

Haazà is ketau te kedseysey te impesavut te Megbevayà, ne zuen timpu he egkeawà. Ne haazà is ketau te kegkag̵i te selakew he kineg̵iyan, ne egkeawà daan, ne iring din ded daan haazà is kegkesavut te menge mezalem he penurù su egkeawà daan. Iyan, is kebmahala te zuma he etew he ibeg̵ey te Megbevayà, ne kenà egkeawà su wazè din pidtemanan.

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

1 Kurintu 8:11

Ne tenged te nesavut ta he kenà tutuu he ed-ezapen haazà is mibpemuhatan, nezeetan heini is duma ta he midlibri te silut pinaag̵i te kebpatey ni Kristu.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

2 Kurintu 8:7

Netuenan ku he wazà kurang niw te langun he menge ketau wey ulaula he meupiya. Dekelà is kedtuu niw; metau kew he ebpenurù; nesavut niw is tutuu he tuluuwen; ebpetebtevangè kew layun; ne zekelà is gag̵ew niw kenami. Tenged kayi egkesuatan dey he wazè niw zaan kurang kayi te kebpaahaa niw te g̵ag̵ew niw ziyà te menge tumutuu he tigHudiya.

2 Kurintu 9:11

Su edhimuwen din layun he kenè ki maalang-alang te selapì su wey ta meveg̵ayi is edlised. Ne umba, menge suled, mezakel is ebpeselamat te Megbevayà tenged te tavang he ibpeuwit niw kenami.

Ipisu 1:17

Is Megbevayà te Nengazen tew he si Jesu Kristu he iyan daan Amey tew he zait he ebentug̵en, edhengyuan ku layun sikandin he pinaag̵i te Wag̵as he Mulin-ulin, ne iveg̵ey zin keniyu is ketau wey ipeg̵awag̵awa zin keniyu is kegketueni niw te menge ulaula zin.

Ipisu 2:7

Umba mid-ulaula zin heini su wey ikepeehè din kenitew is utew lavew he kezekelà te g̵ag̵ew zin wey kedtavang din kenitew pinaag̵i ki Jesu Kristu te wazè din pidtemanan.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Ipisu 6:19

Ne iampù a zaan keniyu he iveg̵ey kediey te Megbevayà is ketau te kebpenudtul te lalag din. Ne iampù niw zaan he kenà a mahandek, kekenà, iveg̵ey kediey is hustu he egkeg̵iyen wey ku ikepesavut is Meupiya he Tudtulanen he in-eles dengan.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

Kulusas 2:3

Su iyan dà sikandin ebpekeveg̵ey te minsan hengkey he tutuu he ketau wey tutuu he kedsavut.

Kulusas 3:10

Ne g̵untaan midhimu ki en te Megbevayà he veg̵u en he etew he edhimuwen din he iring te kandin. Umba midhimu ki zin he veg̵u su wey ta mepurung mesavut ke hentei sikandin.

Santiago 3:13

Is minsan hentei keniyu he metau wey zekelà is selevutan, ipeehè din pinaag̵i te meupiya he ulaula zin. Kinahanglan he kenà sikandin mepelevawen dutun te kebpaahaa zin te ketau zin pinaag̵i te menge meupiya he ed-ul-ulahan din.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.