1 Kurintu 1:24 - Manobo Western Bukidnon

²⁴ Iyan, is minsan hentei, Hudiyu se Gerisyahanen, emun ebpemineg dan te Megbevayà dutun te kebpetuuwa zin kandan, netuenan dan he pinaag̵i te kedrensanga ki Kristu impezayag te Megbevayà is gehem din wey ketau zin.

1 Kurintu 1:24 Кръстосани препратки

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Lucas 7:35

Iyan,” ke si Jesus, “pinaag̵i te menge ulaula te menge etew he tutuu is kedsarig dan te Megbevayà egketuusan ta he utew metau sikandin.”

Ruma 1:16

Utew zekelà is kedsarig ku te Meupiya he Tudtulanen su emun edtuuwan heini te minsan hentei, puun te menge Hudiyu pehendiyà te kenà menge Hudiyu, edlibriyen sikandin te silut pinaag̵i te zekelà he g̵ehem te Megbevayà.

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 9:24

Iyan ki impetuu zin, iyan, is menge etew he impetuu zin, ne kenà menge Hudiyu zà, kekenà, elin daan is menge etew he kenà menge Hudiyu.

1 Kurintu 1:18

Ne emun ibpesavut ta ziyà te menge etew is kebpatey ni Kristu zuen te krus, sikan is menge etew he kenà egkelibri te silut, kunaan dan ke wazà pulus te ibpesavut ta. Iyan, sikita is nelibri en te silut, netuenan ta he pinaag̵i te kebpesevuta te kebpatey ni Kristu, ibpaahà te Megbevayà is gehem din te kedlibriya te menusiyà.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 1:9

Is Megbevayà, egkeserig̵an tew is lalag din, ne iyan sikandin mibpetuu kenitew wey kiw mebpekid-upakat ki Jesu Kristu he iyan Anak din wey iyan Nengazen tew.

Kulusas 2:3

Su iyan dà sikandin ebpekeveg̵ey te minsan hengkey he tutuu he ketau wey tutuu he kedsavut.