1 Kurintu 1:14 - Manobo Western Bukidnon

¹⁴ Utew zekelà is kebpeselemati ku te Megbevayà su iyan ku zà nebewtismuwan diyan si Crispo wey si Gayu.

1 Kurintu 1:14 Кръстосани препратки

Nengeulaula 10:48

Ne insug̵ù ni Pedro he bewtismuwi sikandan wey metueni he nekidsevaha sikandan ki Jesu Kristu. Ne hein nepasad haazà, si Pedro, midhengyuan eni Cornelio he med-ubpè dè pa ziyà te kandan seled te egkepipira he andew.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

1 Kurintu 1:15

Ne tenged kayi wazà minsan hentei keniyu he ebpekekag̵i he nebewtismuwan sikandin su wey sikandin mekesundan kedì.

1 Kurintu 1:4

Layun dekelà is kebpeselemati ku te Megbevayà tenged te g̵ag̵ew zin keniyu pinaag̵i te kebpekidsevaha niw ki Jesu Kristu.

1 Kurintu 14:18

Ebpeselematan ku te Megbevayà is kebpekekag̵i ku te kineg̵iyan he wazà duen egketau. Mezakel is kediey he kegemita kayi te ketau kenà is keniyu.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

Ipisu 5:20

Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Kulusas 3:15

Ne kinahanglan daan, he iyan niw ipelavi ziyà te g̵ehinawa niw is kelinew he ibeg̵ey ni Kristu su umba midhimu kiw he tumutuu te Megbevayà su wey kiw mebmelinawen su nesevaha kiw is menge tumutuu. Ne layun niw peselemati te Megbevayà is gag̵ew zin keniyu.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.

Pilimun 1:4

Sikew, suled, layun dekelà is kebpeselemati ku te Megbevayà tenged kenikew te kada ku ked-ampù;