1 Juan 5:18 - Manobo Western Bukidnon

¹⁸ Netuenan tew he wazà minsan hentei he nehimu he anak te Megbevayà he layun ed-ulaula te mezaat su edlig-enan sikandin te Anak te Megbevayà ne kenè en sikandin egkehilevetan ni Setanas.

1 Juan 5:18 Кръстосани препратки

Mateo 5:37

‘Uya’ zà ne emun kenà, ne ‘Wazà’ is keg̵iya niw. Su is minsan hengkey he lalag he egemiten niw te kedheg̵eta te menge penaad niw, diyà ebpuun te ki Setanas.

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Juan 1:13

Is paag̵i te kegkehimu zan he anak te Megbevayà, kenà iyan kes paag̵i te kegkevuwad dini te kelibutan su wazè dan dutun ianak pinaag̵i te kegkevuwad te kelibutanen he amey, kekenà, iyan amey zan is Megbevayà.

Juan 14:30

Mevavè dà utew is menge lalag ku keniyu su meg̵aan en ebpekeuma si Setanas is egalen te menge etew zini te kelibutan he kuntada ku. Wazè din keg̵ehem kediey,

Juan 15:4

Kenè kew suwey kediey iring te kenà a zaan edsuwey keniyu. Wazà subpang he ebpekepemeg̵as ke ebpekesuwey ziyà te lawa te pinemula, ne sikiyu zaan, emun edsuwey kew kediey kenè kew ebpekepemeg̵as.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Juan 15:9

Iring te mahal a ziyà te g̵ehinawa te Amey ku, mahal kew zaan dini te g̵ehinawa ku. Hemeni niw is kebmahala ku keniyu zini te g̵ehinawa ku.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

1 Pedro 1:23

Su mid-umanan ki limbag̵a te Megbevayà ne veg̵u ki en maan he etew pinaag̵i te wazà pidtemanan he Lalag te Megbevayà he iyan ebpekeveg̵ey te untung.

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.

1 Juan 3:3

Is minsan hentei he ebperateng te kedlikù ni Kristu, layun din ebpurungi is menge ulaula zin su wey wazà mezaat iring te wazà daan mezaat he ulaula ni Kristu.

1 Juan 3:9

Is minsan hentei he nehimu en he anak te Megbevayà, kenè en sikandin egkesuat he ed-ulaula te mezaat su midsempù en man te Megbevayà. Geina te iyan Amey zin is Megbevayà kenà egkehimu he layun sikandin ed-ulaula te mezaat.

1 Juan 4:6

Iyan, sikitew mulà, gaked kiw te Megbevayà ne tenged dutun ebpemineg te ibpenurù tew is minsan hentei he emig̵u te Megbevayà. Iyan, is minsan hentei he kenà gaked te Megbevayà, kenà ebpemineg te ibpenurù tew. Pinaag̵i kayi egketuusan tew ke hentei is mid-ulinan te Wag̵as he Mulin-ulin he ebpenurù te tutuu wey ke hentei is mid-ulinan te teruen he mulin-ulin.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.

1 Juan 5:15

Layun sikandin ebpemineg kenitew ke ed-ampù kiw ne tenged dutun netuenan tew zaan he ibeg̵ey zin is ebuyuen tew.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.

1 Juan 5:4

su sikitew is langun he nehimu en he menge anak te Megbevayà, egkezaag tew en si Setanas he iyan ebayàbayà dini te kelibutan; ne iyan ibpekezaag tew kandin is kedtuu tew ki Jesus.

Hudas 1:21

Layun niw isipa is utew zekelà he g̵ag̵ew keniyu te Megbevayà dutun te kedteg̵azi niw te timpu keuzemà he zutun ibpaahà kenitew te Nengazen tew he si Jesu Kristu is dekelà he hizu zin su zutun kenè kiw zin edsuwayan te wazà pidtemanan.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.