1 Juan 4:9 - Manobo Western Bukidnon

⁹ Impehendini te Megbevayà is sebsevaha zà he Anak din te kelibutan su wey pinaag̵i kandin mekeangken kiw te untung he wazà pidtemanan. Iyan haazà kebpaahaa zin te g̵ag̵ew zin kenitew.

1 Juan 4:9 Кръстосани препратки

Marcos 12:6

Ne te ketepusan dutun, iyan dà nesamà sikan is minahal zin he anak. Ne haazà midsug̵ù din diyà te kandan su egkeisip din is: ‘Kenà egkehimu he kenè dan edtehuzen is anak ku,’ ke sikandin.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

Juan 10:10

Umba edhendutun te tudil is tekawen su wey mekepenakew, ne wey mekehimatey, ne wey mekezezaat. Siak mulà, midhendini a te kelibutan wey meveg̵ayi is menusiyà te untung he wazà pidtemanan wey wazè en kurang dutun te untung.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Juan 3:18

Is minsan hentei he edtuu kedì kenè en sikandin edsilutan te Megbevayà, iyan, is kenà edtuu kediey, netuenan en he zaan he edsilutan sikandin su siak is budtung he Anak te Megbevayà, wazè e zin tuuwi.

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Juan 6:29

Ne midtavak si Jesus te, “Iyan heini ebpeveelan keniyu te Megbevayà: siak is midsug̵ù te Megbevayà kayi te kelibutan, tuu kew kediey.”

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Juan 6:57

Is Amey ku he iyan midsug̵ù kediey, duen din untung, ne tenged dutun duen ku zaan untung. Ne iring din ded daan is egkaan kediey su ebeg̵ayan ku sikandin te untung he wazà pidtemanan.

Juan 8:29

Ne is Amey ku he midsug̵ù kedì, duma ku zaan; kenè e zin ed-ewaan su kenà a ed-engked he edtuman te egkesuatan din.”

Juan 8:42

Ne migkag̵i kandan si Jesus te, “Angin pezem ke amey niw is Megbevayà su mahal a g̵eina ziyan te g̵ehinawa niw su te kedhendini ku, diyà a ebpuun te kandin. Kenà kediey zà he suat is kedhendini ku, kekenà, midsug̵ù e zin.

Juan 9:3

Ne midtavak si Jesus te, “Kenà tenged te salè din is kegkelakap din wey kenà daan tenged te salà te amey zin wey iney zin, kekenà, iyan ingkelakap din su wey ikepaahà pinaag̵i kandin is gehem te Megbevayà.

Ruma 8:32

Su minsan is Anak din he si Jesus, wazè din menug̵uni, kekenà, midsug̵ù din wey mekepehimatey he elili kenita. Ne emun iyan haazà gag̵ew zin kenita, kenà egkehimu he kenè din daan ibeg̵ey kenita is langun he impenaad din kenita.

Hibriyuhanen 1:5

Su zuen insurat he Lalag te Megbevayà diyà te Anak din he edhenduen te, “Iyan ka Anak ku ne egkeg̵iyen ku kenikew he g̵untaan ibpeehè ku he Amey a kenikew.” Iyan, wazà belinsug̵uen din he migkeg̵iyan din te iring dutun te minsan keenu he timpu. Ne zuen pa insurat he Lalag te Megbevayà he edhenduen te, “Egkehimu he iyan a Amey zin ne iyan sikandin Anak ku.” Ne kenà iyan is belinsug̵uen egkeg̵iyen din dutun.

1 Juan 3:16

Umba netuenan tew en he utew zekelà is kebmahala kenitew te Megbevayà diyà te g̵ehinawa zin su mibpehimatey si Jesu Kristu he elili kenitew. Ne sikitew zaan, kinahanglan he edtevangan tew is menge zuma tew he tumutuu minsan ke ibpatey ta haazà is kedtavang.

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

1 Juan 5:11

Is Megbevayà, imbeg̵ey zin kenitew is untung he wazà pidtemanan; ne ziyà ebpuun heini is untung te Anak din he si Jesus. Iyan heini sikan is kebpenistig̵us kenitew te Megbevayà.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.