1 Juan 4:8 - Manobo Western Bukidnon

⁸ Is minsan hentei he wazè din gag̵ew te menge zuma zin, wazè din hanew te menge ulaula te Megbevayà su is minsan hengkey he ed-ul-ulahan te Megbevayà, ne iyan kebpaahaa zin te g̵ag̵ew zin.

1 Juan 4:8 Кръстосани препратки

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

Ipisu 2:4

Ne minsan pa te iyan en haazà, utew zekelà is hizu te Megbevayà kenitew ne utew kiw mahal ziyà te g̵ehinawa zin.

Hibriyuhanen 12:29

su is Megbevayè tew, iring te utew meinit he hapuy is kedsilut din.

1 Juan 1:5

Ibpesavut ku keniyu is impesavut kenami te Anak te Megbevayà he is Megbevayà, iyan sikandin puunà te kerayag ne wazà minsan hengkey he merusirem diyà te kandin.

1 Juan 2:4

Iyan, ke zuen egkag̵i te, “Emig̵u e en te Megbevayà,” ne haazà is egkag̵i, kenè din edtumanen is menge sug̵ù te Megbevayà, teruen sikandin. Kenà sikandin ebpezumazuma te tutuu he tuluuwen.

1 Juan 2:9

Ke zuen etew he egkag̵i he midteyawan te Megbevayà is isip din, iyan, ebpekigkuntada sikandin te zuma zin, kemulu pa sikandin diyà te kerusireman.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.

1 Juan 3:6

Ne tenged dutun is minsan hentei he edhemenan din is kebpekidsevaha zin ki Kristu, kenà egkehimu he layun sikandin ed-ulaula te mezaat. Sikan is etew he layun ed-ulaula te mezaat, wazè din metueni ke hentei si Kristu ne wazè din tuuwi sikandin.

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

1 Juan 4:7

Minahal ku he menge suled, kinahanglan he ebpurung kiw egig̵ineg̵awè su ziyà ebpuun te Megbevayà is gag̵ew. Is minsan hentei he zekelà is gag̵ew zin te menge zuma zin, ne iyan nehimu en he anak te Megbevayà wey emig̵u te Megbevayà.