1 Juan 4:6 - Manobo Western Bukidnon

⁶ Iyan, sikitew mulà, gaked kiw te Megbevayà ne tenged dutun ebpemineg te ibpenurù tew is minsan hentei he emig̵u te Megbevayà. Iyan, is minsan hentei he kenà gaked te Megbevayà, kenà ebpemineg te ibpenurù tew. Pinaag̵i kayi egketuusan tew ke hentei is mid-ulinan te Wag̵as he Mulin-ulin he ebpenurù te tutuu wey ke hentei is mid-ulinan te teruen he mulin-ulin.

1 Juan 4:6 Кръстосани препратки

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Juan 10:3

Emun edseled sikandin, ebpuwasan te ebantey zutun te g̵emawan. Ne is menge kerehidu zin he ziyà te seled, egkekilala zan is lag̵eng din ne ed-umawen din sikandan pinaag̵i te menge ngazan dan, ne ibpeg̵uwè din sikandan.

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Juan 14:17

Iyan sikandin sikan is Wag̵as he Mulin-ulin he tutuu is ibpenurù din. Kenà heini egkezawat te menge etew zini te kelibutan he kuntada te Megbevayà su kenè dan egkekilala sikandin ne kenè dan egkesavut ke hentei sikandin. Sikiyu mulà, nesavut niw en ke hentei sikandin su ziyà ed-ubpà te keniyu ne kenà daan ed-awà diyà te keniyu.

Juan 15:26

Ne mid-uman megkag̵i si Jesus te, “Is Menenavang he ebpuun te Amey ku, edsug̵uen ku zini te keniyu. Iyan sikandin sikan is Wag̵as he Mulin-ulin he ebpenurù te tutuu he edtuuwan. Ne emun ebpekeuma en dini te kelibutan, ibpesavut din ke hentei a.

Juan 16:13

Ne sikan is Wag̵as he Mulin-ulin he ebpenurù te tutuu he tuluuwen, emun dini en sikandin te keniyu, ibpesavut din keniyu is langun he tutuu. Kenè din iyan ibpesavut is kandin dà he isip, kekenà, iyan ibpesavut din is nezineg din diyà te Amey ku. Ibpesavut din daan keniyu is egkeulaula keuzemà.

Juan 18:37

Ne migkag̵i si Pilatu te, “Hadì ke ves?” Ne midtavak si Jesus te, “Tutuu heeyan is nekag̵i nu su hadì a. Umba midhendini a te kelibutan. Umba neetew a zini te lumpad. Midhendini a su wey ku ikepesavut ke hengkey is tutuu he tuluuwen. Is langun he menge etew he egkesuatan dan he metueni zan is tutuu he tuluuwen, ebpemineg dan kediey.”

Juan 20:21

Ne mid-uman si Jesus megkag̵i ziyà te kandan te, “Mebmelinawen kew. Ne iring te midsug̵ù a te Amey tew he Megbevayà, edsug̵uen ku zaan sikiyu.”

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Juan 8:23

Ne migkag̵i en maan si Jesus te, “Meg̵inged kew zini te kelibutan; siak, meg̵inged a ziyà te langit. Dini kew ebpuun te tanà, iyan, siak, diyà a ebpuun te zivavew.

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

Ruma 11:8

Su zuen insurat dengan he edhenduen te, “Midhimu te Megbevayà he mevevened is isip dan su wey zan kenà mekesavut. Ne taman en guntaan kenè dan egketuenan ke hengkey is tutuu, ne kenè dan egkesavut is hustu.”

1 Kurintu 14:37

Ke zuen etew he ed-isipen din he zuen ketau zin he imbeg̵ey te Wag̵as he Mulin-ulin, ne emun kenà, ne zuen ibpekag̵i kandin te Megbevayà, ne kinahanglan he ventayi zin is ibpesavut ku keniyu kayi te surat su kenà dini zà te kediey ebpuun heini he menge sug̵ù, kekenà, diyà te Nengazen.

2 Kurintu 10:7

Purungi niw isipa is nesavut niw en su zuen menge zuma niw he kunaan dan ke iyan dan dà menge hustu he sulug̵uen ni Kristu. Kinahanglan he mesavut dan he sikami, hustu key zaan he menge sulug̵uen ni Kristu.

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

1 Timoteo 4:1

Utew keladu is impesavut te Wag̵as he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen, kekenà, iyan ebpemineg̵en dan is impinted te menge teruen he menge mulin-ulin. Ebpemineg̵en dan is impenurù kandan te menge mezaat he mulin-ulin

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.

1 Juan 4:4

Sikiyu, menge anak ku, gaked kew en te Megbevayà ne nezaag niw en is menge teruen he mulin-ulin su lavew pa he mekeg̵eg̵ehem is Megbevayà he ziyà ed-ubpà te kenitew, kenà si Setanas he ziyà ed-ubpà te menge etew zini te kelibutan he kuntada te Megbevayà.

1 Juan 4:8

Is minsan hentei he wazè din gag̵ew te menge zuma zin, wazè din hanew te menge ulaula te Megbevayà su is minsan hengkey he ed-ul-ulahan te Megbevayà, ne iyan kebpaahaa zin te g̵ag̵ew zin.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.

Hudas 1:17

Tentenuzi niw, menge suled, is netagnà dengan te menge epustul he midsug̵ù te Nengazen tew he si Jesu Kristu.