1 Juan 4:21 - Manobo Western Bukidnon

²¹ Su insug̵ù kenitew te Megbevayà he is minsan hentei he tutuu is kebmahala zin te Megbevayà, kinahanglan daan he ebmahalen din is duma zin.

1 Juan 4:21 Кръстосани препратки

Mateo 5:43

Netuenan ta kes penurù dengan he is menge zuma ta, ebpurungan ta. Ne is menge kuntada ta, edtebeken ta.

Lucas 10:37

Ne midtavak haazà is menunudlù te, “Iyan nehimu he hustu he zuma zutun te midruug te menge tulisan haazà is nehizu kandin he etew ne midtavang kandin.” Ne ke si Jesus te, “Iyan haazà ul-ulaha nu is iring dutun.”

Juan 15:12

Iyan heini sug̵ù ku keniyu he kinahanglan he mahal ziyà te g̵ehinawa te uman sevaha keniyu is minsan hentei keniyu iring te mahal kew zini te g̵ehinawa ku.

Gelasya 5:14

Is tivuuk he kesug̵uan he imbilinbilin ni Moises, ne egkepurung egketuman pinaag̵i te sevaha zà he sug̵ù he iyan heini: “Kinahanglan he purungi nu is duma nu. Isipa nu sikandin he iring te kenikew en he g̵ehinawa.”

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

1 Tiselunika 4:9

Ne wazè en kinahanglan he ibpenurù ku pa keniyu he mahala niw ziyà te g̵ehinawa niw is menge zuma niw he tumutuu su impenurù en heini keniyu te Megbevayà.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

1 Pedro 4:8

Kinahanglan he iyan lavew he edhemenan niw is kebmahala niw ziyà te g̵ehinawa niw te minsan hentei he zuma niw he tumutuu su emun ebmahalen ta is menge zuma ta melemu ki zà ebpekepesaylu te menge salè dan kenita.

1 Juan 2:7

Minahal ku he menge suled, kenà beg̵u heini is idsug̵ù ku keniyu su zengan dà. Ne insug̵ù en heini keniyu hein aney kew medtuu. Ne heini he sug̵ù, ne iyan ded sikan is lalag he impesavut kenitew he mahala tew is minsan hentei he zuma tew.

1 Juan 3:11

Kinahanglan he ebmahalen tew te kada sevaha is menge zuma tew. Iyan heini impenurù kenitew hein aney kiw meketuu.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.

1 Juan 3:18

Menge mahal ku he anak, kinahanglan he kenà menge lalag dà is kebmahala ta te menge zuma ta, kekenà, kinahanglan he ibpeehè ta is kebmahala ta kandan pinaag̵i te menge ulaula ta.

1 Juan 3:23

Ne iyan insug̵ù din kenitew is: kinahanglan he edtuuwan tew is Anak din he si Jesu Kristu wey ebmahalen tew te kada sevaha is menge zuma tew sumalà is insug̵ù daan dengan ni Jesus.

1 Juan 4:11

Menge minahal ku he suled, geina te iring dutun is utew zekelà he g̵ag̵ew kenitew te Megbevayà, kinahanglan he utew zaan dekelà is gag̵ew te kada sevaha kenitew ziyà te menge zuma zin.