1 Juan 4:19 - Manobo Western Bukidnon

¹⁹ Umba utew en mahal sikandin dini te g̵ehinawa tew su nehuna kiw zin he mibmahal ziyà te kandin he g̵ehinawa.

1 Juan 4:19 Кръстосани препратки

Lucas 7:47

Umba migkag̵i ku heini kenikew su egketuusan ta kayi te vahi he mezakel is menge ulaula zin he mezaat he nengepesaylu en te Megbevayà su utew a mahal ziyà te g̵ehinawa zin. Ne ke zuen etew he zeisek dà is menge ulaula zin he mezaat he nepesaylu te Megbevayà, wazè din utew g̵ehinawa te Megbevayà.”

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.