1 Juan 4:10 - Manobo Western Bukidnon

¹⁰ Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

1 Juan 4:10 Кръстосани препратки

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

1 Juan 2:2

Iyan sikandin impemuhat tenged kenitew wey mepalis is menge salè tew, ne kenè kenitew zà he salà is egkepalis, kekenà, is menge salà daan te tivuuk he menusiyà.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

1 Juan 4:19

Umba utew en mahal sikandin dini te g̵ehinawa tew su nehuna kiw zin he mibmahal ziyà te kandin he g̵ehinawa.

1 Juan 5:11

Is Megbevayà, imbeg̵ey zin kenitew is untung he wazà pidtemanan; ne ziyà ebpuun heini is untung te Anak din he si Jesus. Iyan heini sikan is kebpenistig̵us kenitew te Megbevayà.