1 Juan 4:1 - Manobo Western Bukidnon

¹ Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.

1 Juan 4:1 Кръстосани препратки

Marcos 13:21

Ne ke zuen egkag̵i keniyu te, ‘Ahaa niw, heini en kes hadì he mibpilì te Megbevayà,’ wey ke zuen be egkag̵i te, ‘Heeyan en sikandin,’ ne kenè kew mebpemineg dutun te egkag̵i.

Lucas 12:57

Ne ke si Jesus te, “Deyzey ke ed-isipen niw is hustu he ed-ul-ulahan.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Nengeulaula 20:29

Netuenan ku he emun ed-ewaan ku sikiyu, duen edlepew kayi te keniyu he menge menunudlù he is ibpenurù dan, ne ebpekezezaat te upakat ne edèdeetan dan iyan is upakat niw te menge tumutuu.

1 Kurintu 12:10

Ne ziyè pa te sevaha, ibeg̵ey zaan te Wag̵as he Mulin-ulin is gehem wey mekehimu sikandin te menge egkengein-inuwan; ne ziyà te zuma pa ibeg̵ey is ketau te kedseysaya te impesavut kandin te Megbevayà; ne te zuma pa ibeg̵ey kandin is kegketueni te ed-ulin, ke ebpuun be te Megbevayà is ed-ulin wey ke mezaat he mulin-ulin ve haazà. Ne zuen daan menge etew he ebeg̵ayan te Megbevayà te ketau te kegkag̵i te kineg̵iyan he kenè dan egketuenan. Ne zuen daan menge etew he ibeg̵ey kandan is ketau te kedluwas duen te egkeg̵iyen kayi.

1 Kurintu 14:29

Ne iring din ded daan haazà is menge etew he edseysey te impesavut kandan te Megbevayà su egkehimu he zezuwa zà ne emun kenà ne tetelu is egkag̵i. Ne kinahanglan he ebpemineg is langun ne ed-isipen dan ke hustu ve wey ke kenà haazà is egkeg̵iyen.

1 Tiselunika 5:20

Kenè niw pesegdana is menge lalag te mid-ulinan,

1 Tiselunika 5:21

kekenà, gezami niw is langun ne tipig̵i niw is meupiya.

2 Tiselunika 2:2

Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami.

1 Timoteo 4:1

Utew keladu is impesavut te Wag̵as he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen, kekenà, iyan ebpemineg̵en dan is impinted te menge teruen he menge mulin-ulin. Ebpemineg̵en dan is impenurù kandan te menge mezaat he mulin-ulin

2 Timoteo 3:13

Iyan, is menge lalung he etew, wey is menge uvag kun tumutuu, ed-iseg mulà ebmezaat is menge ulaula zan. Edtezinen dan is isip te menge etew, iyan, egketazin daan is kandan he isip.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

1 Juan 2:18

Menge anak ku, meg̵aan en egketapus heini is timpu. Nezineg niw en he keuzemà duen edlepew he egeraran te Kuntada ni Kristu. Guntaan duen en mezakel he menge kuntada ni Kristu ne tenged dutun netuenan ta he meg̵aan en iyan egketapus heini is timpu.

1 Juan 2:7

Minahal ku he menge suled, kenà beg̵u heini is idsug̵ù ku keniyu su zengan dà. Ne insug̵ù en heini keniyu hein aney kew medtuu. Ne heini he sug̵ù, ne iyan ded sikan is lalag he impesavut kenitew he mahala tew is minsan hentei he zuma tew.

2 Juan 1:7

Mezakel is nemenlepew he ebpenurù te tarù dini te kelibutan. Egkeg̵iyen dan he si Jesus is mibpilì te Megbevayà he ibpahadì, wazà sikandin mehimu he etew. Is minsan hentei he iyan haazà egkeg̵iyen dan, teruen sikandin wey kuntada ni Kristu.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.