1 Juan 3:7 - Manobo Western Bukidnon

⁷ Menge anak ku, kinahanglan he kenè niw pemineg̵a is minsan hentei he teruen he ebpenurù pezem keniyu. Iyan tutuu is: ke zuen etew he ed-ulaula te hustu ne iyan sikandin metazeng he etew iring te metazeng si Kristu.

1 Juan 3:7 Кръстосани препратки

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Lucas 1:75

Ne egkehimu he metinumanen wey metazeng is ked-ezapa tew kandin andew-andew te kemulu kiw pa zini te lumpad te kelibutan.”

Nengeulaula 10:35

su is meg̵inged te minsan hengkey he inged dini te kelibutan, emun edtehuzen din is Megbevayà wey metazeng is ulaula zin, edewaten sikandin te Megbevayà.

Ruma 2:13

Su emun iyan ta edserig̵an is kesug̵uan, kenè egkehimu he ed-isipen ki te Megbevayà he metazeng pinaag̵i zà te kebpemineg te insug̵ù dutun te kesug̵uan, kekenà, kinahanglan he wazà minsan hengkey he sayep ta zutun te kedtumana ta te kesug̵uan.

1 Kurintu 6:9

Siguradu netuenan niw he haazà is menge etew he ed-ulaula te mezaat, kenà sikandan keuzemà egkehedian te Megbevayà! Ne tenged kayi, purungi niw heini isipa su wey kenè kew mesayep su is menge etew he meremerik is ulaula zan, is ed-azap te kenà tutuu he megbevayà, is etew he egkevut te kenè din esawa, is maama he egkeerig̵an te maama wey is bahi he egkeerig̵an te vahi,

Ipisu 5:6

Su tenged kayi he menge ulaula, utew egkepeuki te Megbevayà keuzemà is menge etew he kenà ebpemineg te menge sug̵ù din. Ne tenged dutun, kenè niw itug̵ut he meketuu kew te tarù he penurù te minsan hentei he etew pinaag̵i te menge ketezengan dan he kenà tutuu.

Ipisu 5:9

Su emun neteyawan te Megbevayà is isip niw, egkeulaula niw is langun he hustu wey metazeng he vaal he ibpenurù te tutuu he tuluuwen.

Pilipus 1:11

Ne zutun egkeveelan niw is minsan hengkey he metazeng he ulaula tenged te g̵ehem he ibeg̵ey ni Jesu Kristu su wey mezalig wey mevantug is Megbevayà.

Hibriyuhanen 1:8

Ne iyan lalag din diyà te Anak din is: “Iyan ka Megbevayà ne wazà pidtemanan te kedhadì nu. Metazeng is kedumala nu te g̵inhedian nu.

Hibriyuhanen 7:2

Ne si Abraham, imbeg̵ey zin diyà te ki Milkisidik is ikesepulù he vahin te langun he nengetavan din. Ne heini is ngazan he Milkisidik, dezuwa is kehulug̵an din. Is egkehuna ne “hadì he ebpekeveg̵ey te ketazeng.” Ne tenged te hadì sikandin te inged he Selim, he ke và dà egkeg̵iya, kelinew, elin daan kehulug̵an din is “hadì he ebpekeveg̵ey te kelinew.”

Santiago 1:22

Kinahanglan he edtumanen niw is Lalag te Megbevayà. Emun ebpemineg̵en niw zà is lalag din ne kenè niw edtumanen, henduen be te edterteruen niw is gehinawa niw.

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

1 Juan 2:26

Ebpesuratan ku sikiyu wey kew med-andam su zuen menge etew he tarù is ibpetuuwan dan pezem keniyu.

1 Juan 2:29

Netuenan te en he metazeng si Kristu. Netuenan ta zaan he minsan hentei he metazeng is menge ulaula zin, nehimu en sikandin he anak te Megbevayà.

1 Juan 3:18

Menge mahal ku he anak, kinahanglan he kenà menge lalag dà is kebmahala ta te menge zuma ta, kekenà, kinahanglan he ibpeehè ta is kebmahala ta kandan pinaag̵i te menge ulaula ta.

1 Juan 3:3

Is minsan hentei he ebperateng te kedlikù ni Kristu, layun din ebpurungi is menge ulaula zin su wey wazà mezaat iring te wazà daan mezaat he ulaula ni Kristu.

1 Juan 4:17

Edheg̵etan din is kebmahala tew kandin dini te g̵ehinawa tew su wey wazè tew kehandek keuzemà dutun te andew te kedsusiya zin te nengeulaula te tivuuk he menusiyà. Umba kenè kiw egkehandek su iring te metazeng is menge ulaula ni Kristu, metazeng daan is kenitew he ulaula zini te kelibutan.