1 Juan 3:19 - Manobo Western Bukidnon

¹⁹ Su emun ed-ul-ulahan tew heini, egketuenan tew he menge anak kiw iyan te tutuu he Megbevayà. Ne tenged dutun kenè en kinahanglan he egkeeled ki ziyà te etuvangan din

1 Juan 3:19 Кръстосани препратки

Juan 13:35

Emun ed-ul-ulahan niw heini, egkeahà te langun he menge etew he menge sumusundan ku sikiyu.”

Juan 18:37

Ne migkag̵i si Pilatu te, “Hadì ke ves?” Ne midtavak si Jesus te, “Tutuu heeyan is nekag̵i nu su hadì a. Umba midhendini a te kelibutan. Umba neetew a zini te lumpad. Midhendini a su wey ku ikepesavut ke hengkey is tutuu he tuluuwen. Is langun he menge etew he egkesuatan dan he metueni zan is tutuu he tuluuwen, ebpemineg dan kediey.”

Ruma 4:21

Su utew mezesen is kedsarig din he edtumanen te Megbevayà is penaad din.

Ruma 8:38

Ne netuenan ku he wazà minsan hengkey he ebpekepesuwey kenita ziyà te zekelà he g̵ag̵ew kenita he impaahà te Megbevayà pinaag̵i te Nengazen tew he si Jesu Kristu. Su minsan kayi te uuyag ki pa wey ke ebpatey ki en be, ne kenà egkeawà is gag̵ew zin kenita. Kenà egkeawà te menge velinsug̵uen din wey te menge mezaat he mulin-ulin. Kenà egkeawà te minsan hengkey he egkeulaula g̵untaan wey egkeulaula keuzemà. Kenà daan egkeawà te minsan hengkey he kedesenan. Is menge kedesenan he ziyà te utew metikang wey is menge kedesenan he ziyà te utew mezalem, wey is minsan hengkey he linimbag, ne kenè dan ebpekepesuwey kenita ziyà te g̵ag̵ew kenita te Megbevayà he ibpeehè din kenita pinaag̵i ki Jesu Kristu he iyan Nengazen tew.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

Hibriyuhanen 10:22

Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.

1 Juan 1:8

Emun egkag̵i ki he wazè ta salà, tarù is ebpetuuwan ta te g̵ehinawa ta ne kenè ki ves edtuman te tutuu he tuluuwen.

1 Juan 2:21

Kenè ku iyan ibpesurati keniyu is tenged te wazè niw mesavut ke hengkey is tutuu he tuluuwen, kekenà, tenged te nesavut niw en wey tenged te wazà minsan hengkey he tarù he ziyà ebpuun te tutuu he tuluuwen.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.

1 Juan 3:20

minsan pa te iyan diyà te isip ta is: dait ki he edsilutan. Umba kenè ki egkeeled su iyan lavew he egkeserig̵an is hukum te Megbevayà, kenà is hukum te isip ta su netuenan din is minsan hengkey.

1 Juan 3:21

Ne emun netuenan ta he wazè en igkesiluti zin kenita, egkehimu en he zekelà is kedsarig ta ke ed-ampù ki ziyà te kandin.