1 Juan 3:13 - Manobo Western Bukidnon

¹³ Menge suled, kenè kew meinuinu emun ebpekigkuntada keniyu is menge etew zini te kelibutan he kuntada te Megbevayà.

1 Juan 3:13 Кръстосани препратки

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 24:9

Egkuntedahan kew te tivuuk he menusiyà tenged te menge sumusundan ku sikiyu. Ne edekepen kew te menge etew ne ibpalad kew zan diyà te edrasey keniyu ne is duma keniyu edhimetayan dan.

Marcos 13:13

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Lucas 21:17

Egkuntedahan kew te langun he menge etew tenged te sumusundan ku sikiyu.

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

Juan 3:7

Kenè ka meinuinu te migkag̵i ku kenikew he kinahanglan he ebpaanak kew ebpeuman.

Juan 7:7

Kenè kew egkepeukan te menge etew he kuntada te Megbevayà, iyan, siak, egkepeukan e zan mulà su pinaag̵i te ibpenurù ku egketuenan he mezaat is menge ulaula zan.

Nengeulaula 3:12

Ne hein naahà haazà ni Pedro, migkeg̵iyan din haazà is menge etew te, “Menge kezuzumahi ku he menge kevuwazan ni Israyil, maan is igkeinuinu niw utew heini? Maan is edtengtengan key keniyu? Kunaan niw vuwa ke pinaag̵i te kenami en he g̵ehem wey ke tenged be te wazè dey salà, ne neulian dey heini wey mekehipanew.

Ruma 8:7

Emun ebeyveyaan is isip te etew te menge mezaat he kebayà te lawa zin, kuntada sikandin te Megbevayà su kenè din edtumanen is menge sug̵ù te Megbevayà. Ne kenà duen dà taman su kenà egkehimu he egketuman din.

2 Timoteo 3:12

Ne is langun he tumutuu ki Jesu Kristu he egkesuatan dan he pinaag̵i kandin metuman dan is egkesuatan te Megbevayà, edresayen sikandan te menge kuntada te Megbevayà.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.

Impezayag 17:7

Iyan, migkeg̵iyan a zutun te velinsug̵uen, ke sikandin te, “Maan is egkeinuinu ka? Ibpesavut ku kenikew is in-eles he kehulug̵an mehitenged keniyan te vahi wey keniyan te langgam he pitu is ulu zin ne sepulù is sungey zin he ed-untuzan keniyan te vahi.