1 Juan 2:9 - Manobo Western Bukidnon

⁹ Ke zuen etew he egkag̵i he midteyawan te Megbevayà is isip din, iyan, ebpekigkuntada sikandin te zuma zin, kemulu pa sikandin diyà te kerusireman.

1 Juan 2:9 Кръстосани препратки

Juan 9:41

Ne midtavak si Jesus te, “Emun wazè niw metueni he lakap is kedsavut niw, wazè niw g̵eina salà, iyan, geina te egkag̵i kew he meupiya is kedsavut niw te hustu, kenà egkeawà is salè niw.”

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

2 Pedro 1:9

Iyan, ke zuen tumutuu he kenà ed-ulaula kayi, henduen be te nelakap is isip din su kenè din egkesavut is hustu. Nelipatan din en buwa he nepelisan en sikandin te menge zaan he ulaula zin he mezaat.

1 Juan 1:6

Emun egkag̵i ki he nekid-upakat ki te Megbevayà, iyan, diyè ki pa te kerusireman, he ke và dà egkeg̵iya, mezaat pa is menge ulaula ta, teruen ki. Teruen ki pinaag̵i te menge lalag ta wey pinaag̵i te menge ulaula ta.

1 Juan 2:11

Iyan, is etew he ebpekigkuntada te zuma zin, kemulu pa is isip din diyà te kerusireman ne mezaat pa is menge ulaula zin. Iring sikandin te etew he kenè din egketuenan ke hendei sikandin ebpekepevayà su ziyè pa sikandin te kerusireman.

1 Juan 2:4

Iyan, ke zuen egkag̵i te, “Emig̵u e en te Megbevayà,” ne haazà is egkag̵i, kenè din edtumanen is menge sug̵ù te Megbevayà, teruen sikandin. Kenà sikandin ebpezumazuma te tutuu he tuluuwen.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.