1 Juan 2:16 - Manobo Western Bukidnon

¹⁶ Su is minsan hengkey he mezaat he ulaula zini te kelibutan, iring te menge mezaat he kebayà, is menge mezaat he vutang he egkeahà wey egkesuatan te menge etew wey is kebpezalig dan tenged te menge azen he nekuwa zan, kenè man heini ebpuun te Amey tew he Megbevayà, kekenà, dini zà ebpuun te kelibutan.

1 Juan 2:16 Кръстосани препратки

Mateo 4:8

Ne zutun mid-uwit en maan si Jesus ni Setanas diyà te metmetikang he vuntud ne impeehè din ki Jesus is langun he menge g̵inhedian dini te kelibutan wey ke sengemenu is kezekelà wey ketig̵eyunan te kada sevaha zutun.

Mateo 5:28

Ne iyan kedì he penurù is: ke zuen minsan hentei he maama he edtengteng dà te vahi he kenè din esawa ne egkeerig̵an en dutun, ne haazà is maama, nekesalè en dutun te esawa zin.

Lucas 4:5

Ne zutun mid-uwit si Jesus ni Setanas diyà te utew metikang ne te sengeperè dà dutun impeehè din is langun he g̵inhedian dini te kelibutan.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

1 Kurintu 10:6

Umba nehitavù diyà te kandan heini is langun su wey kiw meleg̵uyi ke hengkey is egkehitavù kenitew ke egkesuatan tew te ed-ulaula is iring te mid-ulaula zan he mezaat.

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Gelasya 5:24

Ne is minsan hentei he migaked en ni Jesu Kristu, ne iring te inransang din en te krus is mekesesalà he lawa zin, he ke và dà egkeg̵iya, mid-engkezan din en is menge mezaat he kebayè din wey egkesuatan din.

Ipisu 2:3

Ne sikitew zaan, elin kiw zengan ebpen-ulaula te mezaat sumalà is mezaat he kebayà te lawa tew, wey is mezaat he isip tew. Ne tenged kayi neragkes kiw pa zutun te silut iring te zuma he menusiyà he kenà sakup te Megbevayà.

Tito 2:12

Ne pinaag̵i zutun te g̵ag̵ew egkesavut ta he kinahanglan he meengkezi ta is menge ulaula he kenà igkesuat te Megbevayà wey is kedtumana ta te menge suat te lawa ta zini te kelibutan. Kinahanglan he ed-eg̵enen ta is menge kebayà ta he mezaat. Kinahanglan daan he metazeng wey igkesuat te Megbevayà is menge ulaula ta te zini ki pa ed-ubpà te kelibutan.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Santiago 3:15

Kenà haazà sikan is ketau he ebpuun te Megbevayà, kekenà, dini zà ebpuun te kelibutan. Kenà iyan is ketau he ibeg̵ey te Wag̵as he Mulin-ulin, kekenà, ebpuun te mezaat he mulin-ulin.

Santiago 4:16

Iyan, sikiyu mulà, memepedelig̵en su idantal niw is ed-ul-ulahan niw, ne mezaat is iring dutun.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

2 Pedro 2:10

Utew meveg̵at keuzemà is kedsiluti zin dutun te menge etew he ebpeniguduwan dan te edtuman is menge meremerik he kebayà te lawa zan wey edsumpeliten dan is minsan hentei he zuen din keg̵ehem. Ne heini is migkag̵i ku he menge etew he ebpenurù te tarù, utew zan memevurut wey memepelevawen. Kenè dan edtehuzen is menge kedesenan diyà te langit, kekenà, edsumpeliten dan.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.