1 Juan 2:10 - Manobo Western Bukidnon

¹⁰ Is etew mulà he ebmahalen din is duma zin, iyan sikandin kes edteyawan is isip din te Megbevayà, ne kenè din ibpekesalà is menge ulaula zin.

1 Juan 2:10 Кръстосани препратки

Mateo 13:21

Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Mateo 18:7

Kehizu te menusiyà, su zuen iyan menge ebpekeawà te kedsarig te menge etew. Layun egkehitavù is iring kayi, iyan, kehizu utew te etew he pinaag̵i kandin egkeawà is kedsarig kediey te minsan hentei he midtuu kedì su utew meveg̵at is silut kandin te Megbevayà.

Juan 11:9

Ne midtavak si Jesus te, “Sepulù wey zezuwa he uras is sengeandew, ne ke zuen edhipanew te maandew kenà ebpekesipà su egketeyawan sikandin te andew.

Juan 12:35

Ne migkag̵i ziyà te kandan si Jesus te, “Siak is kerayag he ebpeketayew te kedsavut niw, egkesipeg̵an en is ked-ewai ku keniyu. Te kemulu pa merayag, purungi niw susiya is ibayè niw su kela ke egkezukileman kew. Is edhipanew he merusirem is ibayè din, kenè din egketuenan ke hendei sikandin ebpekepevayà.

Juan 8:31

Ne migkeg̵iyan ni Jesus is menge Hudiyu he nemeketuu kandin, ke sikandin te, “Emun kenè niw ed-engkezan is kedtumana niw te menge penurù ku keniyu, ne human tutuu he menge sumusundan ku sikiyu.

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,

1 Juan 2:11

Iyan, is etew he ebpekigkuntada te zuma zin, kemulu pa is isip din diyà te kerusireman ne mezaat pa is menge ulaula zin. Iring sikandin te etew he kenè din egketuenan ke hendei sikandin ebpekepevayà su ziyè pa sikandin te kerusireman.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.