1 Juan 1:2 - Manobo Western Bukidnon

² Hein mibulus dini te kelibutan heini is puunà te untung, neehè dey ne tenged dutun egkeg̵iyen dey keniyu is neehè dey. Edseyseyen dey keniyu is migeraran te untung he wazè din pidtemanan. Daan sikandin he zuma te Amey tew he Megbevayà ne zutun mibpeg̵awag̵awa kenami zini te kelibutan.

1 Juan 1:2 Кръстосани препратки

Juan 1:18

Wazè pa menusiyà he nekeahà te Megbevayà, iyan, sikan is Anak din he vudtung, impetuenan din kenitew is Amey zin he Megbevayà su iyan dan layun telezuma.

Juan 1:4

Ne heini is Lalag te Megbevayà, iyan daan sikandin sikan is puunà te untung he wazà pidtemanan, ne heini is untung, iring te kerayag su ebpeketayew te kerusireman te isip te tivuuk he menusiyà.

Juan 10:28

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 15:27

Ne ebpekepesavut kew zaan kayi su puun pa te aney ku en kebpenurù, duma ku en sikiyu.”

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

Juan 17:5

Ne guntaan, Amà, iulì nu kediey ziyan te etuvangan nu sikan is daan he utew ku kegkelavew he iyan kes kegkelavew ku zengan hein diyan e pa te kenikew te wazè pa limbag̵a is kelibutan.

Juan 19:35

Siak is midsurat kayi, edtistig̵usan ku he tutuu heini su neehè ku en. Netuenan ku he tutuu heini is insurat ku. Umba insurat ku su wey kew zaan meketuu.

Juan 21:14

Iketelu en haazà he kebpaahà ni Jesus dutun te menge sumusundan din hein nevanhew en sikandin.

Juan 3:13

Hentei is nekehendiyà te langit? Iyan e zà is Kakey te Menusiyà su ziyà a ebpuun te langit.”

Juan 7:29

Netuenan ku mulà ke hentei sikandin, su ziyà a ebpuun te kandin, ne iyan midsug̵ù kedì.”

Juan 8:38

Is impaahà kedì te Amey ku, iyan egkeg̵iyen ku, ne sikiyu, ebeelan niw mulà is nezineg niw ziyà te keniyu he amey.”

Nengeulaula 10:41

Te nevanhew en sikandin wazà pudu mekeahà kandin is menge etew, kekenà, sikami zà is menge tistig̵us he zaan he mibpilì te Megbevayà. Sikami, nekekaan key wey nekeinum key zuma kandin hein nevanhew en sikandin.

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Nengeulaula 5:32

Ne sikami, ebpeketistig̵us key he nengeulaula heini is langun. Ne ebpirmahan daan heini te Wag̵as he Mulin-ulin su mibpeulinan kandin te Megbevayà is langun he edtuman te menge sug̵ù din.”

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

2 Timoteo 1:10

Ne g̵untaan impeehè en kenita haazà is gag̵ew zin su mibpeetew si Jesu Kristu he iyan Menluluwas tew. Ne si Jesus, in-awè din is gehem te kemetayen ne pinaag̵i te Meupiya he Tudtulanen impesavut din kenita he egkeveg̵ayan ki te untung he wazà pidtemanan.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.

1 Juan 2:25

Su iyan impenaad kenitew ni Kristu is untung he wazà pidtemanan.

1 Juan 3:5

Netuenan niw en he umba mibpeetew si Kristu su wey zin maawà is menge salè tew. Ne netuenan niw zaan he wazà minsan sevaha he salà he nehimu zin wey egkehimu zin.

1 Juan 3:8

Ke zuen etew he layun ed-ulaula te mezaat ne sakup sikandin ni Setanas su layun daan si Setanas ed-ulaula te mezaat puun pa te kedlimbag̵a te kelibutan. Umba midhendini te kelibutan is Anak te Megbevayà su wey zin ikeawà is gehem te menge ulaula ni Setanas.

1 Juan 4:14

Sikami is menge epustul, netuenan dey he impehendini te Megbevayà is Anak din su wey melibri is menusiyà te silut. Umba netuenan dey su neehè dey sikandin ne edtudtulen dey is neehè dey.

1 Juan 4:2

Is minsan hentei he mulin-ulin he egkag̵i he mibpeetew si Jesus is mibpilì te Megbevayà he ibpahadì, ne ziyà ebpuun haazà is mulin-ulin te Megbevayà. Pinaag̵i kayi egketuusan niw is mulin-ulin he ebpuun te Megbevayà.

1 Juan 5:11

Is Megbevayà, imbeg̵ey zin kenitew is untung he wazà pidtemanan; ne ziyà ebpuun heini is untung te Anak din he si Jesus. Iyan heini sikan is kebpenistig̵us kenitew te Megbevayà.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.