Онлайн Библия

« Предишен

Следващия »

Fìlìpóyìbhá ɨ 2:13 - BÚKÙ TÀ TƗ́DHƗ́//RU YÌZO DHƗ ÀDHYA

¹³ Tàko ko, Gìká adré ɨ́na tà ꞌo àmɨ léna nɨ̀, mɨ̀ kàdréró tà ɨ́ dré adrélé lèle mɨ̀ kòꞌo dhɨ kɨ le ꞌòle, adrézó kpà tà nda kɨ ꞌo be dhɨ bvó.

Вижте главата копие

« Предишен

върнете се нагоре ⬆

Следващия »

Fìlìpóyìbhá ɨ 2:13
39 Кръстосани препратки

Lúkà 12:32

Àmɨ pä̀rí mvá pabhá má làgásè nɨ ɨ, mɨ̀ kòro ngá ko. Tàko ko, àmɨ kɨ Atá mìlésè dhɨ dóro áyɨ Òpɨ̀ fèzo àmɨ dré.

Вижте главата

Lúkà 2:14

«Mìlanzìlanzì kàdré Gìká dré kurú na bhù na! Tà kɨ̀drɨ́kɨ̀drɨ kàdré kpà bvò dri móndyá akódhɨ nɨ togó dré adrézó kɨnɨ́lé ásà dhɨ ɨ dré!»

Вижте главата

Yòwánɨ̀ 3:27

Dɨ Yòwánɨ̀ logó dhɨ: «Dhya àlo kɨtswá tà àlo kisú bwà ko, Gìká kòfè tà nda drá nɨ̀ ko dhɨ.

Вижте главата

Yòwánɨ̀ 6:45

Ngóró pròfétà ɨ̀ dré tɨsɨ̀le Gìká nɨ Kúlí na dhɨ tɨ́nɨ: ‹Gìká nɨ àyɨ títí dhɨ kɨ tadhá.› Dɨ dhya ángùdhi adrélépi Gìká Atá nɨ yi gò, adrézó tà dré adrélé tadhálé dhɨ kɨ kisú dhɨ, akódhɨ nda adré alɨ̀le má vélé.

Вижте главата

Yòwánɨ̀ 6:65

Akódhɨ gò tàá dhɨ: «Tà kòdhɨ sè dhɨ, má tà tá àmɨ dré dhɨ, dhya àlo kɨtswá ɨ́na alɨ̀le má vélé ko, áma Atá kòfè láti akódhɨ dré alɨ̀zo nɨ̀ ko dhɨ.»

Вижте главата

Tà ꞌòle dhɨ ɨ 11:21

Gìká nɨ rìnyí tá túmä́ní àyɨ ɨ́be gò, móndɨ́ zyandre dhɨ ɨ̀ dré àyɨ kɨ togó adzázó Mírì vélé, akódhɨ nɨ kaꞌì.

Вижте главата

Rómàbhá ɨ 12:3

Gìká nɨ togó tanɨ bhàle má rú dhɨ sè dhɨ, má adré tàá àmɨ àlo àlo títí dhɨ ɨ dré dhɨ: Mɨ̀ kàdré àmɨ kɨ tà kisù tà kàdrɨ̀ ro ngóró dré kɨtswálé àmɨ sè ko dhɨ tɨ́nɨ ko. Be ró dhɨ, mɨ̀ kàdré àmɨ kɨ tà kisù tògyá sè, ngóró Gìká dré tà kaꞌìkaꞌì fèle àmɨ àlo àlo títí dhɨ ɨ dré dhɨ tɨ́nɨ.

Вижте главата

Rómàbhá ɨ 9:11

Dɨ, ànzɨmvá nda kɨ tirà ko, ɨ̀ndɨ̀ ɨ̀ dré rè tà dóro ꞌɨ yà, kó ngalè tà kònzɨ ꞌɨ yà dhɨ kɨ ꞌorà ko dhɨ ꞌá dhɨ, Gìká tà tá ɨ́na Rèbékà dré dhɨ: «Mvá kàyo nɨ tà ꞌo mvá tùgu dré akódhɨ nɨ màrábà tɨ́nɨ.» Kòdhɨ adré tadhá dhɨ, Gìká adré móndɨ́ kɨ zɨ ngóró dré kisùle ꞌòle drìdrì dhɨ tɨ́nɨ. Akódhɨ nɨ tàndɨ dhya adrélépi móndɨ́ kɨ azí dhɨ ꞌɨ. Dɨ, adré àyɨ kɨ azí tà dóro ɨ̀ dré adrélé ꞌòle dhɨ kɨ tà sè ko.

Вижте главата

Rómàbhá ɨ 9:16

Dɨ ásà dhɨ, tà kàdrɨ̀ dhɨ, tà móndɨ́ ɨ̀ dré adrélé lèle ꞌòle dhɨ ꞌɨ ko, ɨ̀ndɨ̀ tà ɨ̀ dré adrélé ꞌòle àyɨ kɨ rìnyí sè dhɨ ꞌɨ ko. Tà kàdrɨ̀ lavúlé dhɨ, ngbà ꞌí Gìká nɨ togó dóro dré adrélé tadhálé dhya ángùdhi dré adrézó lèá tadhálé drá dhɨ dré dhɨ ꞌɨ.

Вижте главата

1 Kòrítòbhá ɨ 12:6

Tà Gìká dré adrélé ꞌòle móndɨ́ ɨ ꞌásè dhɨ ɨ twátwa. Dɨ, Gìká àlo nda adré tà títí nda kɨ ꞌo móndyá títí dhɨ ɨ ꞌásè dhɨ nɨ̀.

Вижте главата

1 Kòrítòbhá ɨ 15:10

Dɨ, Gìká nɨ togó tanɨ bhàle má rú dhɨ sè dhɨ, ma ngóró má dré adrélé ándrò kònɨ̀dhɨ tɨ́nɨ. Akódhɨ bhà áyɨ togó tanɨ nda má rú àngyá ko. Tàko ko, má ꞌo mána àzí àpóstolò àruka títí dhɨ kya kɨ lavú. Tà bàti ró dhɨ, má ꞌo àzí nda ma ko. Be ró dhɨ, Gìká nɨ togó tanɨ adrélépi tà ꞌo má léna dhɨ ꞌo ɨ́na àzí nda nɨ̀.

Вижте главата

2 Kòrítòbhá ɨ 3:5

Dɨ, mà adré àma kɨ no ngóró móndɨ́ kɨtswábhá tà ꞌo àyɨ kɨ tàndɨ kɨ rìnyí sè bwà dhɨ ɨ ró ko. Be ró dhɨ, Gìká adré ɨ́na àma kɨ ꞌo kɨtswálé títí dhɨ nɨ̀.

Вижте главата

Èfésòbhá ɨ 1:11

Dɨ Gìká bhà àma twá, àma kɨ zɨ̀zo adrélé móndyá ɨ́na ɨ ró Krísto na, ngóró ɨ́ dré kisùle ꞌòle kɨ́nó lésè dhɨ tɨ́nɨ. Tàko ko, akódhɨ adré tà títí dhɨ kɨ ꞌo ngóró ɨ́ dré kisùle ꞌòle, ɨ̀ndɨ̀ ɨ́ dré lèle ꞌòle dhɨ tɨ́nɨ.

Вижте главата

Èfésòbhá ɨ 1:5

bhà tá àma twá drìdrì, mà kàtsáró áyɨ ànzɨ ɨ ró Yésu Krísto sè, ngóró dré tá lèle ꞌòle dhɨ tɨ́nɨ, ɨ̀ndɨ̀ ngóró tà nda dré tá adrélé dóro akódhɨ mìlésè dhɨ tɨ́nɨ.

Вижте главата

Èfésòbhá ɨ 1:9

Tadhá kpà àma dré tà lùzu ró ɨ́ dré kisùle ꞌòle ɨ̀ndɨ̀ ɨ́ dré lèle ꞌòle kɨ́nó lésè Krísto na dhɨ, ngóró dré tá adrélé dóro akódhɨ mìlésè dhɨ tɨ́nɨ.

Вижте главата

Èfésòbhá ɨ 2:8

Tàko ko, Gìká tɨdrɨ́ àmɨ áyɨ togó tanɨ sè, àmɨ kɨ tà kaꞌìkaꞌì sè. Tà nda kòdhɨ angá àmɨ kɨ tàndɨ ɨ vélésè ko. Be ró dhɨ, tà nda ɨ́na tà Gìká dré fèle àmɨ dré àngyá dhɨ ꞌɨ.

Вижте главата

2 Tèsàlòníkèbhá ɨ 1:11

Tà nda sè dhɨ, mà adré tà zi àma kɨ Gìká tí àmɨ dré landè àko ró, kòꞌoró àmɨ kɨtswálé tà ɨ́ dré àmɨ kɨ azízó ásà dhɨ sè, ɨ̀ndɨ̀ kòꞌoró tà dóro títí mɨ̀ dré adrélé lèle ꞌòle àmɨ kɨ tà kaꞌìkaꞌì sè dhɨ ɨ kɨtswálé títí áyɨ rìnyí sè.

Вижте главата

2 Tìmòtéyò 1:9

Gìká nda tɨdrɨ́ àma, àma kɨ azízó adrélé móndyá lólo ɨ́na ɨ ró dhɨ nɨ̀. ꞌO tá tà nda kònɨ̀nɨ tà dóro mà dré ꞌòle dhɨ ɨ sè ko. Be ró dhɨ, ꞌo tá kònɨ̀nɨ ngóró ɨ́ dré kisùle ꞌòle kɨ́nó lésè áyɨ togó tanɨ sè dhɨ tɨ́nɨ. Bvò nɨ bhàma kandrá dhɨ, kisù tá áyɨ togó tanɨ tadhálé àma dré Yésu Krísto na.

Вижте главата

1 Pétèró 1:3

Rúku kàdré Gìká, àma kɨ Mírì Yésu Krísto nɨ Atá dré! Akódhɨ nɨ togó dóro lavúlé dhɨ sè dhɨ, ti àma tódhyá lɨ́drɨ̀ tɨ́dhɨ́ ro dhɨ nɨ afèzo àma dré, Yésu Krísto nɨ ngàma dràdrà ꞌásè dhɨ sè. ꞌO kònɨ̀nɨ, mà kàdréró mì bha ɨ́ véna lovó sè,

Вижте главата

Последвай ни:

Спонсорирани линкове

Реклами

Реклами